當我醒番時已經係醫療室到。
保健老師問我:「你醒啦?仲有冇其他地方覺得唔舒服呀?」
我搖搖頭:「無咩事。」
「你今朝早係咪冇食早餐呀?」
我輕輕點頭。
「早餐要日日食先得咖!」老師無奈地望住我。
「我知道咖啦!」我別過頭地講。
「係啦!不如通知你媽媽接你番屋企休息啦!」
我馬上落床著番對鞋:「放心啦!老師我去買d野食就無事咖啦!」講完之後我就即刻跑o左出門口。
保健室既老師跟埋我出去門口大叫:「同學!你唔可以亂咁走咖!喂!」
我快速地跑到學枚既小食部到買份三文治...幸好我平時褲袋會放張20蚊紙姐!
我好快咁食完就上番課室上堂。
打開課室門,成班同學既目卷都放o左係我身上。我低頭:「老師...我番黎上堂啦!」
我經過由亡既座位,由亡輕輕握一握我既手之後就放開o左,我望住由衣,,,由衣輕聲咁問:「冇事嗎?」
我微微笑,就番埋位。
的確,食o左份三文治之後真係無咁辛苦,所以之後既堂都幾好上,到o左lunch time時間,我正想行出門口時....
「羨兒!」我回頭一望,係由衣。
「哈!我地成班同學都好似未一齊食lunch,不如我地同埋d男仔講,今日一齊去食飯!你都一齊黎啦?」由衣微笑地講。
我望一望大家既眼神...大家都唔再似以前咁敵視我,所以我都答應o左去。
去到餐廳，見到成班男同學霸ｏ左成張長枱，我抬頭一望見到任嘉望,都係到?
「羨兒?仲唔坐入去?」由衣推o左我入去。
我被推o左入去同任嘉望坐....
大家都點o左各式各樣既野食,就唯獨我仲未諗到食咩....
「點呀?仲未諗到?」由衣關心地問。
我點頭:「係呀...」
終於比我睇到樣岩食既野:「喔....我想要個黑椒豬扒飯!」
當我仲諗住終於簡到時....
侍應有d難堪地講:「真..真係唔好意思呀!無哂豬扒啦!」
頓時,我又再非常失望地再望一望餐牌...唉...我..果然唔岩出黎同大家食飯...
當我咁諗時....
「我比我個飯你啦!」坐我旁邊既任嘉望居然推o左個飯比我...
佢點既...係黑椒豬扒飯......喔......真係好無奈...
我眼定定望住佢,佢又眼定定咁望住我,大家都眼定定望住我地兩個。
由衣好識做幫我地打圓場:「咁...啦..你地另外叫多個飯之後兩份食咁咪唔洗捱肚餓囉!」
我知道我無得選擇,只好聽由衣決定。
之後有d同學打趣地話...任嘉望對我有意思...
因為佢三番四次幫我.....
我只好唔出聲...廢事愈描愈黑...
相反任嘉望只係繼續食飯...冇理到佢地講既野。
====================================
番到學校大家都各有各有各忙...相反我就自己一個坐係位到,當我以為任嘉望無坐係位到就一定係同d男同學打成一遍既時候...
佢就一個人慢慢行番埋位到...而且手上仲拎住好多本圖書...可能因為我偷望得佢太耐,同太明顯,終於比佢發現到:「做咩?」
「呃.......」我頓時面都紅哂,除o左搖頭我都諗唔到做咩好。
「哦!」佢應完一句之後就邊做邊偷笑。
我瞪大雙眼訝異地望住佢...佢...佢居然笑。
之後佢就無再理我...只係繼續做自己野。
我別過頭...執塊面覺得好熱...我都唔知點解會咁,但心入面卻有一種難以形容既感覺。
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~€
係呢幾日既放學後,我都同任嘉望一亦係圖書館做野,由開始既一句起兩句上既對話,到乜都傾下,漸漸我地成為o左一對好好既同學。呀....我仲比佢改o左個花名叫"青蛙"tim。
有一次lunch,佢好主動地約我:「喂!青蛙!一齊食飯啦!」
我有d難以相信:「o下?我同你?」
佢點點頭:「係呀!有咩問題?」
我尷尬地望住佢...正當我諗緊去唔去好既時候...
由衣忽然拖住我隻手,好有敵意地望住任嘉望:「羨兒佢已經約o左我食飯啦!羨兒我地行啦!」
我被由衣拖住走....我邊行邊不斷回望佢....
任嘉望個樣就好似話我知「咁冇計啦!」我只可以邊苦笑邊被拉住走....
由衣帶o左我去食pizza,我同由衣面對面坐,一句說話都無講。
但我見由衣個表情好似真係好嬲咁...我諗我又唔知係咪做錯o左d咩事:「由衣...」我細細聲咁叫佢。
由衣個樣都仲係好嬲咁....我再大聲少少:「由衣!如果係我做錯o左既話..我同你道歉啦!你可以鬧我,但可唔可以唔好唔理我呀?」
由衣坐係到咁耐視線一直都係望住飯枱...終於被我既說話打動到,搖擺不定既視線放o左係我身上:「羨兒,你老實答我。」我點點頭。「你....係咪中意o左任嘉望?」
我當堂唔知點答佢好......我到底點答佢好呢?
~~~~~~~~~~~~~~~~~~~~~~~~~~~~~~~~~~~~~~~~~~~~~~~~
續...
的出回表:
