被由衣咁直接既一問...我當堂真係好不知所措:「我.....我..」
「你...真係中意o左任嘉望?」由衣認真地望住我既眼神愈黎愈凌厲。我被由衣突然既一問真係唔識答....由亡既眼神由凌厲變成哀怨。
唔知點解,直覺話我知..如果我答係既話,會有d不詳既事發生....所以我選擇:「哈!緊係唔係啦!我同新同學只係因為大家都係圖書館管理員先會比較傾得埋咖姐!由衣...你諗多o左啦!」
由衣望實我,有dd相信:「真既?」
我有dd心虛...但我都依然肯定咁答:「係呀!真咖!」
由衣好似成個人鬆哂咁:「哈哈....我頭先扮得似唔似呀?」
「喔?」我有d唔明白。
「我呀....諗住去戲劇學會都演戲...但我又唔知道自己夠唔夠斤兩...所以咪試o下你囉!」由衣微笑地講。
「喔....?你意思係你頭先係...做戲?」我有點疑惑。
由衣點點頭講:「係呀...我頭先係做戲咖喳!唔好放係心到wo!」
我邊苦笑...邊心諗:「頭先...真係嚇親我....我仲以為由衣中意o左任嘉望tim...」
「不過....真係太好啦...」由衣輕聲地講。
我即刻抬頭望住:「o下?你...你講咩呀?我聽唔清楚?」
由衣笑笑口:「冇呀!呀....野食黎啦!快d食啦!」
咁岩有人送o左pizza黎....我只好唔再追問...
我邊食邊諗....係咪我既多疑呢....點解我覺得頭先由衣?.唔似係做戲呢?
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
搞好哂d野之後,我同任嘉望又一齊放學。
「近排天氣凍呀!要著多件衫喔!青蛙!」任嘉望對住我講。
我忽然醒起:「係wo!今個月係12月啦wo!就黎到聖誕節啦!」
「喂喂...頭先叫你著多件衫,宜家你就講o左第二樣....」
「喔....對唔住...」
任嘉望微笑:「講笑喳!我邊有咁易嬲?」
我呆望住任嘉望笑...而佢就望住我:「做咩?」
「喔.....吾吾...」我搖頭:「只係...覺得你除o左副眼鏡笑個樣會靚仔d姐!」
任嘉望聽到我咁講就別過頭...面都紅哂...
頓時,佢知道我地再唔講野落去會仲尷尬:「喔...係啦..聖誕節就到啦....學校好似搞party...我諗個日一定好好玩咖啦!」
我和應:「係呀..我好中意學校party上搞既舞會....」
我發覺我又講錯野....
「唔?做咩唔講落去呀?」任嘉望問我。
「喔.....唔講住啦!差唔多6點啦!我走先啦!」我扮到好急咁要趕番屋企之後就跑走o左。
任嘉望好似企原地到一宜望住我既背影。
跑到番屋企,我個心終於可以冷靜番d。
我上到自己間房...放低書包後,我即刻跌住係地下...我扯高衫袖,望到手捥內無數既疤痕...
但真正令我在意既係手捥內最明顯同最大既傷痕。
我討厭呢個疤痕唔止係因為佢醜陋而係呢個疤痕令我知道所以真相與事實,同我既存在價值。
~~~~~~~~~~~~~~~~~~~~~~~~~~~~~~~~~~
續
下一回 普通的我與難以忘記的回憶
的出回表:
