記得係我十歲個年,亦都係細佬出世既一年。
當時....爸爸媽媽既親戚都祝福住爸爸媽媽.....
因為佢地終於可以繼後香燈。
當時既我真係好開心,因為我從來都未見過佢地笑得咁開心,所以我都好歡迎屋企多個新既屋企人。
我亦相信細佬既誕生,一定會為我地屋企帶來歡樂,但可惜....呢個只係我既一廂情願既諗法。
細佬出世之後,媽媽既工作繼續忙碌,爸爸當然都唔例外,所以媽媽請o左個工人姐姐,等佢可以照顧我同細佬。
媽媽仲叮囑我一定要好好咁聽工人姐姐話同照顧細佬,天真既我,當然將媽媽所請既說話記係心到。
起初,工人姐姐對我地倆姐弟唔錯,煮好多好野食比我地...但係過o左一個月後...開始有d奇怪....
有一晚..我落床去廁所時,經過工人姐姐既房間,發覺佢房開o左小燈,好奇心驅使之下,我偷偷地係門外偷望。
一望之下,我差d叫o左出黎.....因為我見到工人姐姐坐係地下到,拎住d針不斷咁拮隻染滿血既稻草人公仔。
但我所怕既係雙目無神嘴上掛住無情笑臉既工人姐姐,我唔敢想像如果我被佢發現我係度會變成點...所以我強裝冷靜地慢慢番去自己房。
個晚....我韉到唔敢再出房去廁所。
等到第二朝早,工人姐姐依然溫柔咁叫我地食早餐,當時既我,一心一意以為工人姐姐佢琴晚心情唔好先會咁,所以我都繼續如常當冇事發生。
好平安地過o左一個月,我認為我今後既日子可以幸福快樂時...某一晚,我地好如常地食飯,工人姐姐喂細佬食糊仔時...細佬無啦啦喊起上黎..起初我冇為意,繼續食飯.....但細佬既喊聲賓在太嘈,所以我望過去...我一望過去就被嚇親...因為我見到工人姐姐佢居然想將成碗糊仔灌去細佬個嘴到...所以細佬先不斷咁喊,我即刻放低筷子,跳落地下跑到工人姐姐身邊,推開佢個碗再抱走細佬....跑到客廳中間。
我不知所措地望住工人姐姐用英文問佢:「what are you doing?」工人姐姐冇理到我,雙目無神地行去廚房....不久佢從身後拎住一把生果刀..慢慢行過黎我呢邊....當時既我只有十歲,試問又點能夠同成年人打得過?所以我選擇逃走,我抱住細佬企圖想直接上二樓...點愴佢商上我..一手搶走細佬,之後拎起把生果刀向我斬落細佬個頭時...我諗都諗唔到就用自己既手擋住細佬..之後我只係感覺到有裂開既感覺,但我一心一意為o左救細佬都唔理得咁多,,,,只好忍住痛用盡我所有力氣...一手搶走佢手上既細佬..之後就不顧一切地跑上自己房間到,再鎖住房門...房燈都冇開....靜靜咁抱住細佬坐係床邊既地下,,,,,我只係不斷咁喊...我真係唔知道應該點做好....我唯一可以做既...就係保護細佬,,,
之後既日子,,,真係好難涯...每一日都要擔驚受怕...爸爸同媽媽都只顧工作,根本無時間理會我地。
每次,我想同爸爸佢地講野時,佢地總會以為我講既係d無關痛癢既事,但其實我好想同佢地講工人姐姐既事...可惜一直都講唔到...就係咁...一星期有幾日我同細佬都會比工人姐姐打。
終於有一日....爸爸同媽媽幫細佬沖涼時..發覺細佬成身都係傷...佢地問工人姐姐點解會咁...工人姐姐眼神居然望向我呢邊...
我有點不解地望住佢....我完全唔明白點解佢要咁對我...我只係不斷咁搖頭:「唔係..唔係呀,,,唔係我做咖!」
爸爸即刻叫媽媽係雜品房到拎鐵枝出黎,之後就好惡咁望住我:「妳點解要咁做?」
我只係不斷咁搖頭....並退後...之後爸爸好快咁走到我身邊:「真係唔打唔得! 「你幾時變得咁曳咖?」
我不斷咁哀求:「唔好打我..嗚..吾...真係唔關我事咖! 「真係...真係...
我只好將最後希望放係媽媽身上:「媽...真係唔關我事咖! 」 但媽媽只係抱住細腐,以憐憫又疼心既眼神望住細佬:「係咪好痛呀?媽媽係到..唔會比人哈你咖啦!」
頓時...我有點失神....我呆望住工人姐姐...佢只係冷眼望住我,,,,我頓時明白...原來我...從來都無被人愛過...
一直都係...只有我一個。
我回一回神無奈地望住手上既傷痕心諗...
去舞會一定要著吊帶裙之類既去先靚.....我手上既傷痕咁礙眼....
我又點可以去舞會呢?
的出回表:
