差唔多到聖誕節,大家都忙於佈置聖誕裝飾,而我就出奇地有份幫手整。
因為有由衣叫我幫手,所以我就一齊做,每日都做到五點幾,根本就冇時間去圖書館幫手。
見到任嘉望既時間都只限係位上面...之後到小息就好快咁比由衣拉走o左,即使有機會係圖書館做野...由衣都會跟住我....想同任嘉望傾計既機會都冇,放學就比佢拉走o左。
我唔知道我對任嘉望既感覺,係咪叫做「喜歡」,於是我就寫信比王子,諗住叫佢比d意見我。
某晚,細佬靜靜雞咁入o左黎,我懶閒地問:「入黎做咩?」
細佬天真既眼神望住我:「家姐....」我望住佢既眼神....不禁就會對佢產生厭惡.....冇錯...佢生得真係好可愛....但我完全唔中意佢。
「點喔?」我有d唔耐煩。之後細佬雙手拎住一封信:「係姐姐咖!」「但....但你千萬唔好話比媽媽知係我係垃圾桶摷番封信出黎咖!」
我瞪大雙眼:「信?」之後我一手拎起封信一睇,原來係王子寄黎既信,我抬起頭望住細佬:「封信....」
「媽媽佢...好似唔中意姐姐既信咁....但我知道姐姐收到d信會好開心...所以....我咪收埋封信囉!」細佬微微笑地講。
我凝望住佢心裡有少許內疚:「多謝..你」
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
我回想起細佬咁為我既表情,頓時覺得一直以黎對佢既憎恨心情,好似有d改變。
我拎起開信刀,將信打開....
簡潔而亮麗既筆跡,再一次令我會心微笑。
信中既內容大概係...佢話..我呢d可能只係叫稱得上係好感而唔係喜歡,佢話喜歡係要每日都會想起個果人,無論係訓覺,食飯,上堂,沖涼,無時無刻都會掛住對方。
我心諗,我又好似無...唔通我呢d真係唔叫做「喜歡」?佢最尾仲畫隻青蛙公仔係到叫我比心機讀書。
我甜笑,,,哈呢個王子呀,,,成日都用青蛙黎形容我。我小心地將信小心咁放d信係鐵盒。之後細心地諗...或者我中意個果可能係王子都未定...哈...唔知...王子個樣係點咖呢?嘻...
我就一於打趣地回信.....話可能我中意個果係佢都未定呀...哈....當然我都只係講笑姐....如果王子佢見到我真人...會唔會嫌棄我呢?我覺得做對真實既朋友都唔錯呀...如果可以既話...
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
終於到o左一年一度既聖誕大會,本來我都唔諗住黎...但由衣話唔黎既話實嬲我....所以我只好硬住頭皮黎。
至於媽媽方面,佢話要我8點鐘之前番到屋企,所以我先有得出黎。
為o左唔比人知道我手上既疤痕...我只好著有袖既晚禮服...遮住疤痕既位置。
由衣拎住兩杯橙汁向我遞上一杯:「羨兒?做乜唔出去跳舞既?」
我搖頭苦笑並接過橙汁:「唔啦!出去都唔會有人請我跳啦!我跳舞咁屎!」
由衣微笑:「咁..不如我陪你?」我搖頭:「唔得!由衣...難得你今晚著得咁靚,唔出去跳舞會唔會浪費o左d呢?」
咁岩有個隔離班既校草走過黎請由衣跳舞:「金同學,可以請你跳隻舞嗎?」
由衣想拒絕時我就推佢一把,並輕聲地講:「去啦!由衣!」由衣被我推o左出去..只好勉為其難同校草跳舞。
至於我就繼續呆坐係到望住d同學跳舞。
我望一望手錶:「宜家先六點半...仲有好多時間...點過好呢,,,」
正當我低頭....心諗..真係唔黎好過黎,,,,
忽然,有人係我面前遞起隻手.....
續.....
的出回表:
