「May i？」忽然有個人講。
我抬頭一望......居然係任嘉望？
「任嘉望?」我仔細睇...佢冇帶眼鏡,著住一身簡約禮服,下配黑灰色牛仔褲。
「呃?喂喂....仲跳唔跳呀?」佢無奈地HOLD住邀請我跳舞既手勢呢個姿態一陣。
我面紅紅地點頭,並將手放到佢手上。
任嘉望跳既時候好認真,無乜點講野...為O左廢事令自己分心,我都唔多講野。
可能我太投入跳舞啦...我無留意到有個人正默默凝視住我。
==================================================
之後跳完舞,我同任嘉望就去O左食野....我無意間拎起手錶睇睇時間...死....七點半啦?我即刻拎起手袋同望一望我帶黎既膠袋,心諗唔理啦,遅O左番屋企又會比媽媽話咖啦。
「做咩呀?」任嘉望捉住我隻手。
我連忙講:「我要走啦!我要八點鐘前番到去呀!」我諗住任嘉望會放開我隻手啦...點知:「我送你啦!」
我眼定定咁望住佢..... 佢二話不說咁拉住我走:「行啦!」佢仲好心地幫我拎手袋同其他野....
我就係咁比佢拉走O左...無意間我見到由衣失落既樣....
===================================================
沿路上,我地都冇點講野,彌漫住一陣既尷尬感。
「喔.....真係...唔好意思呀...」我決定開口講野。
「嗯?做咩唔好意思呀?」
「你明明可以....繼續玩但因為我要送我。」我低頭。
「哈...哈哈...」佢大笑:「傻妹!今日黎舞會都係因為你喳!」
為我?我馬上抬起頭望住佢:「o下?」
任嘉望自知自己講錯野,即刻轉話題:「呃....其實...舞會都唔係你所講咁好玩姐!」
我苦笑:「感受氣氛嘛!」
「喔!我到啦!多謝你送我番黎。」
佢微笑並向我遞上份野比我:「送比你既聖誕禮物。」
我呆望住佢手上既禮物:「比我既?」
佢笑一笑點頭:「唔想要?」
我搖搖頭:「緊....緊係唔係啦!」
佢將份禮物放o左係我頭頂上面,就轉身走啦....我連忙拎起就跌既禮物,然後望住任嘉望既背影。
「多謝你...」
我急急腳走入屋...我即刻望住個鐘....死啦....八點零五分啦!
媽媽由客廳走出黎冷眼咁望住我:「遅o左五分鐘...你明明話會準時。結果都係唔守信用。」
我搖搖頭:「媽....我無心咖....我只係同d同學玩得太投入先會...」
強硬既媽媽又點會聽我既解釋呢?係佢既字典裡面....遅到就遅到....根本冇分有心定冇心。
佢二話不說..拎起鞋櫃上既木條,正想打落黎之際.....有人抱住我....我閉上雙眼。
之後我好好奇點解我個身唔覺得痛...我慢慢打開眼一望:「任嘉望?」任嘉望望住手臂微笑:「哈.....你冇事就好啦!」
我望住任嘉望:「你...你點解?」
佢拎起身邊個袋:「你留低o左袋野...我咪拎番黎比你囉...」
我搖頭....心諗佢真係傻.....袋野本來就係送比佢既...點解要咁傻拎番黎比我?仲要.....搞到受傷...
我忍住眼淚起身..拉起任嘉望:「我地走啦!」
我好大力咁拉起佢...同佢一齊跑o左出門口...完全冇理到媽媽..
媽媽眼神有少許動搖地望住我....
===================================
續....
的出回表:
