我拉住任嘉望不斷咁跑不斷咁跑......
我冇考慮到任嘉望....只係覺得好想跑...跑得幾遠得幾遠。
只要離開屋企就得,此時我只係咁諗。
到我跑到真係行唔到時...任嘉望先開口:「終於停低啦?」
我抬頭望住佢.....我唔知道我既表情有幾奇怪:「呃......對...對唔住...」
「喔?你講頭先既事?哈.....唔緊要啦....少少痛姐....」任嘉望輕輕地笑。
我慢慢別過頭:「我唔值得你為我咁做。」
本以為任嘉望會繼續默不作聲,點知:「行啦...我地去食雪糕,等陣就送你番屋企同你媽媽講清楚。」
「呃?你...你講咩話?」我訝異地問。
任嘉望向我輕輕微笑,之後繼續向前行。
我知道宜家既我根本就唔夠膽番去,所以只好無奈地跟住佢行。
===================================
去到雪糕店。
任嘉望好熟悉呢到既餐單咁....好快地點o左個二人份量既雪糕餐。
不久,雪糕到o左..任嘉望只係微笑叫我快d食。
我低頭望d雪糕....人地話食甜既野會令人開心d,唔知食雪糕又有冇幫助呢?
忽然,任嘉望眼定定咁望住我,我有點疑惑地問:「係咪咩事?」
「你....喊。」
我用手摸摸自己既臉,
感覺濕濕地
原來係眼淚。
我即刻係袋到搵紙巾,點知我發覺自己原來冇帶到袋出黎!
立時...任嘉望向我遞上紙巾,我d眼淚完全遮蓋住我既視線。
我只係隱約睇到任嘉望無奈既表情,我並冇接過紙巾...就即刻起身走出門口。
完全無理到任嘉望....我跑到平時寄開信既郵箱旁邊呆企。
我發覺...我企係郵箱旁邊,真係好諷刺呢....因為我...同樣呃o左王子佢...
我話我係屋企好幸福...爸爸媽媽都...好鍚我...學校都...好開心...同學對我好好...成日出街都會搵我...
但事實...完全相反呢。
我覺得好醜呀....我....最唔想比佢同任嘉望知道知道...我係屋企既地位...原來係咁低...我唔想比佢知道原來我係咁可憐...我唔想比佢知道原來我既境況係咁....
我更加唔想比佢地知道既係...我係咁軟弱。
原來佢地認識既我....係個微不足道同不被需要既人。
我跌坐係地下....不斷咁喊....不斷咁話自己...
「果然雪糕唔食落肚係唔會覺得開心。」
我抬頭一望...原來係任嘉望。
任嘉望向我微笑:「仲食唔食呀?」
我微微點頭...佢就坐係我旁邊,遞上一杯打包o左杯雪糕....
我一邊食一邊情不自禁咁流眼淚......
「愈勉強笑,只會令人愈表露出佢既哀傷。」任嘉望只係輕描淡寫地講。
我只係食雪糕並無回覆佢既說話,因為我知道佢口中所講既人...係我。
「如果係咁既話...點解要勉強自己笑呢?」
我慢慢開始控制唔到自己既情緒...
「你地點會明白我既處境?」
「你唔會明白....嗚...呀....吾...」我好想抑制自己既情緒...但我真係控制唔到
「我都冇做錯過....但係....你地點解要咁對我......嗚..我到底...做錯o左d咩...點解個個都要咁對我...嗚...」
「就算係咁...都算...都冇所謂...但點解你要出黎幫我呀?」
「我情願你唔知道呀...嗚....」
任嘉望凝視住我,慢慢地講:「你...終於肯發洩出黎。」
我有d唔係太明佢講咩....
任嘉望伸手摸我塊面,幫我抹去眼淚:「明明可以流眼淚...但你偏偏選擇壓抑自己....咁樣做..係件好傻既事。」
「唔開心就要喊出黎...呢個係人之常情...唔係d咩醜事....」
「相反你明明係好難受,但就扮到若無其事.咁樣只會自欺欺人。」
「其實你應該...為.自己可以唔開心就喊出黎..而覺得開心先岩。」
「點解....咁講...」我唔係太明。
「我呀....由細到大..都冇喊過.....唔係因為我冇唔開心過...」任嘉望收回為我抹去眼淚既手。「而係因為我從來都唔可以喊。」
我眼定定咁望住佢...唔可以喊?
續...
的出回表:
