我凝視住佢....不解地問:「唔可以喊?」
佢微微點頭:「嗯!我喔....細細個開始.....我就已經唔可以好似其他小朋友咁....大大聲地,正正常常咁喊。」
「其實我唔係喊唔到....而係唔可以喊...因為我個身體,天生就唔可以太大力咁呼吸....如果一大力咁呼吸既話,我個肺就會出問題。 「嚴重起上黎...會因為抖唔到氣而死。」
任嘉望繼續講:「所以我....由出世個刻必要而喊之外...到今時今日我都已經再冇喊過啦。」
我抹走d眼淚,繼續靜靜地聽佢講。
「我爸爸媽媽....一直都好照顧我....唔會比我唔開心,不斷咁買玩具哄我...等我唔會好似其他細路咁,因為得唔到想要既野而喊。」任嘉望輕輕微笑。「可能因為咁....所以見到你喊,其實我都有d矛盾。」
我不解地望住佢,輕聲地問:「點解會覺得矛盾?」
「哈...一來好羨慕你可以唔開心既話,可以用淚水發洩,唔需要埋係心裡面,搞到自己成個人咁沉重,但另一方面...我又唔想見到你唔開心...想你笑。」「喔....我真係天生係個矛盾既人黎...」佢苦笑邊講。
我低頭輕聲地講:「今日...真係多謝你。」
任嘉望微微笑企起身向我遞手:「嘿....係啦...時候唔早啦! 宜家都已經好凍啦......不如我送你番屋企啦!」
我搖搖頭:「唔啦...我想...坐多陣。」
任嘉望有點懷疑地望住我:「你唔會諗住係到坐成晚掛?」
我即刻抬起頭望住佢.....喔....比..比佢估中o左tim....當堂,我塊面紅哂。
任嘉望忽然除低o左件大褸,並搭到我膊頭上:「哎也....我真係唔夠風度....宜家先醒起,你著d衫咁薄tim,你一定好凍咖啦!」
我搖頭:「唔係....都唔係咁凍姐...」 其實,我真係有d凍....但怪就怪自己貪靚著到咁薄。
佢微微笑:「係啦....咁既然你今晚都唔諗住番屋企...咁不如去我屋企啦?」
我一聽到話要去佢屋企,頓時,有d訝異。,但我知道我今晚真係冇地方落腳,所以只好跟住佢行....
任嘉望個身有d震:「哇....真係有d凍....」
我望住佢個凍樣,就將佢件大褸,除落黎....再搭係佢同我個膊頭上,我輕輕一笑:「咁樣,咪唔會凍囉。」
「呃...」佢忽然有點唔自然地別過頭....嗯?佢....係咪怕羞呢?
========================================================
去到佢屋企....我發覺佢屋企比我想像中整齊...
基本上成間屋,一眼睇哂....廁所,小型廚房,一張床,一套桌椅,一張茶几。
點講呢,,,,,好似唔太似男仔屋咁....
入到佢屋企,我問佢:「你自己一個人住咖?」
佢被我一問,即刻有少少唔自然:「呃....其實...因為某d原因....我要單獨黎呢到讀書,所以屋企人冇跟黎。」
我微微點頭..明白佢唔太想答我問題,所以我都唔逼佢,冇再追問落去。
佢沖o左兩杯熱朱古力出黎:「黎啦..飲杯熱朱古力暖o下胃啦?」
我點點頭:「唔該你..」
任嘉望微微笑:「係啦...如果覺得支力既話隨便訓我張床就得咖啦...唔洗客氣...我最訓地下咖姐...」
我低頭只顧住飲熱朱古力.....觀賞佢間屋....喔...自己一個人住..真係幾好....
佢無奈地講:「呃....其實...你唔介意我沖個涼咖可?」
我明白佢怕羞,我輕笑:「喔....點會介意....你去沖啦...」
「呃...咁..咁你自便啦!」佢輕輕一笑就走去拎毛巾入去沖涼。
我就坐係地下拎住杯朱古力慢慢飲...
坐坐o下....就放低隻杯...
.因為我個頭開始有少少痛....之後痛到訓著o左....
不久....我聽到有人叫我....
「羨兒!呂羨兒...」我聽到有人叫我......但我好支力....出唔到聲應佢....
的出回表:
