話說今日 我放左學之後就同一位同學去左APM度扭蛋，去到未到鐘開店就去食D野先啦，食完岩岩好就開鋪啦!

我地一直扭扭扭，一直都係扭同一款扭蛋(就係下面幅圖個隻啦)

計落都扭左70蚊啦，就係我扭最後一隻既時候，千奇百趣既事就發生啦~，整開D膠紙，開左隻蛋，我個心頓時嚇一嚇：我汗，點解隻蛋入面冇野架?!!!!!!

跟住我同學就同我叫老闆娘換番隻「有野既蛋」，老闆娘聽到個陣佢話：係咪真係冇呀先~? 我望住佢就好似發出一種唔關我事架，隻蛋都係冇餡架既眼神

老闆娘唯有開左個扭蛋佢，換番隻比我，雖然其實係隻我已經有不過最起碼拎番個公道先(唔洗生吞左隻冇黃既蛋)~

我依家有大空(十代) 水(十代) 雲(十代) 嵐(初代) 水(初代) 晴(初代) 雷(初代) 同 霧(初代)

我同我朋友加埋就差雲(十代)就買齊一套啦