今日係大暑，真係勁熱。一早睇左一D法律既問題，仲要係法律出位問題。有D都幾搞笑下，真係唔明點解咁都有得爭。

HAHA！這個早上過得特別愉(涼)快。之後，就返左OFFICE了，今日又要去NTK上堂，因此，要執晒D書同file去上堂。

之後發現原來上下上下，已經好多堂了，D notes都有好多了。個file愈來愈厚了。唔覺唔覺，去NTK上堂就快三個月lu，

當初係因為想英文oral考得好D所以去左上個course，考完oral之後，我都繼續讀個summer couse，到e+都上左幾堂了。

雖然係summer course，但我都覺得好充實，起碼練下D英文，仲記得miss fan話我係呢段時間選擇讀英文，係明智的。

我亦都覺得好精彩。每個人心裡面精彩既定義都唔同，有D人可能覺得開開心心，一凡風順，咁就已經係好精彩。但係，

以wave黎講，其實由開始可能係equilibrium position or trough既，但係之後慢慢過度去到crest，咁先至係最精彩的。

12:15已經出門口，之後去lunch，次次去NTK都係計準晒D時間，預幾點要食飯，幾點要上車，幾點要去到。幾點行去，

有時真係覺得洗唔洗ar？去到NTK，我又係第一個，簽attendance既時候，又係得兩個人。果個人又唔黎，等左一陣，

MR.Freemen比左個vocab quiz我做，我都知道佢會比個quiz我地做，所以係office既時候我就已經溫定左啦，但之後，

原來我溫左第二張ar！都唔係果D vocab，真係激死！等我仲咁比心機溫tim！唔溫都好D，溫錯書就真係…不過我好彩，

我都識。HAHA！真係勁！之後睇左篇文，講Forget perfection and aim for improvement。其實我都好認同呢一句話，

個writer講得好岩，我覺得呢本書寫既野都幾好，次次印比我地，我都覺得睇得好開心。所以文都作得好D。之後仲有，

係Challenge your labels。When we give ourselves a second chance，and get some help，most often we can do it！

其實兩句我都想作，之後，我決定唔到，點知個男仔話兩句都作lor！之後，MR.freemen話，可以兩句都作，NTK既野，

D功課交唔交得齊唔係好似香港學校，NTK係你喜歡交就交，唔喜歡既就唔好交，雖然唔次次記，但係佢會寫comment，

可能係話呢個學生多數交齊，多數唔交，有時唔交，或者有時做多。之後我真係O左咀！簡直見識到外國既教育制度ar！

係劉永生？你唔交，追到你交為止，死都要你做，追功課好似係校長出糧比老師要求佢地做既其中一樣野，老馮要追既，

會做多比老師既同學可能開校咁耐以黎幾千個同學之中，十個都無。唔會追學生功課既老師，特別係劉永生已經絕左種，

應該係話生存唔到，比校長抄左九世。有唔明肯落堂或放學留底搵老師問過明白既同學只佔少數，E+諗諗下都真係覺得，

會唔會係香港既教育制度真係失敗呢！定係其實只係因為我間學校既同學都無心向學，所以我先會見到同學咁既情況呢？

星期日去上Nutrition。真係好期待。

今日無無聊聊又一日，真係…不過，近排真係可以用個腦去諗去煩既野就真係好多，但係好少真係可以付諸行動去做既，

次次都係空想，我真係好想早D知道我究竟係唔係真係可以夠分升返去劉永生，定係我根本都無得讀中六，係自尋煩惱，

倫落到寧願升唔返中六，都唔想咁煩ar！或者蕭啟堯講得岩既，都係等神既帶領同指引啦，唯有等。天日又去NTK啦，

又有D咩煩呱？真係天日先知。

又是星期六，朝早睇左一陣書，下午又去左飲茶了。今個星期無去到灣仔，反而去左上環，於是我就去左之前去開果間，

點知勁多人，唔知咩事，D人個個都好似去果度食野，所以，就另覓地方飲茶啦。去左寶湖，之前同事三分親係度拍過，

今次唔知點解，點既野食都好似好好食咁。其實果間茶樓D野都幾好味丫，唔錯Bor！不過之後食食下，隔離台班人lor！

係度勁講咩三三四，會考，又高考，又講幾多分，咩全部B，又講得大聲bor，影響市容！搞到我食飯都要聽埋D咁既野！

真係唔開胃！明明D野好好食既！班人又講左勁耐咩會考，又話有人生日係茶樓食生日蛋糕，唱埋生日歌，真係倒胃口！

之後去左行咩海味街，我一路都唔識得欣賞果條路…不果，我次次都係咁行。不過估唔到果度都好熱鬧下，就諗起新年，

果時幾開心ga.....之後行下D百貨公司，呢度就真係無聊左D，不過，比我記起要買茶包而最後亦都比我買到。豐收haha！

之後去左IFC (intermation finance centre) 行左一陣之後，之後就去左買衫，haha！好正ar！之後dinner，又係正野！

有得食甜品！！！