我唔洗再去上NTK啦，今日寫左一單研製新藥物既新聞。睇nurtition既notes，發現好有趣，好似重拾返之前既興趣咁，

真係唔知做咩。今日可能真係去報BC，我真係希望得啦！唔好比一個失望既答覆我啦！去左BC啦！今日上午返O之後，

之係去食lunch，突然之間覺得自己會用nurtition既角度去睇野，個感覺真係好好笑。係office，睇the cause of death，

係度講點樣證明D野，真係勁！之後，就去左金鐘，上去BC，去報名既時候，真係估唔到我平日WEEK DAY去都要等，

真係O晒咀。去到個Counter，個人話比我聽得返星期二四，一次上三個鐘。不過我都覺得ok，所以算啦，最後都報左。

之後走，係商場，都見到有警察行，仲O咀，我行咁耐商場都未見過會有警察。近期D警察都真係好勤力bor！由8月起，

我將會一星期有三日係要下午2:00去金鐘上堂的，之後，返到去，勁睇chem既野，都唔知自己做咩，真係顛左。之後，

又寫方程式，都唔知點解會突然間咁，唉，仲有四日就放榜啦！真係！

今日真係好緊張。首先朝早又寫下野，之後又睇下電視，睇下書咁。之後，11:30就出去飲茶了。以為好多時間剩啦，點知唔係lor！

去到果間茶樓，要等位。要等位都唔係問題，最大既問題係要等勁耐，我已經趕時間ga la，仲要等咁耐！最後12:35先至上到去食，

點知落左單勁耐，係度等等等，等左15分鐘都未有野食黎，我1:25要走ga la，就算未食完都唔可以繼續食，因為我再食就會遲到！

雖然話唔係正式返學係學校上堂，而係係中大進修中心度上下個course，關於營養學的。但係遲到都唔好丫，所以真係緊張到我…

我未上之前真係好期待，好緊張，點可以遲到呢？等到1:05，終於有野食黎啦！唉，得果20分鐘食野，算啦！之後，就可以慢D，

去金鐘，去到搵左101室之後，就問周圍睇下睇下，幾開心。係出面又有報紙可以睇Bor，之後睇左一陣，就入返去101個課室上堂，

等左一陣，個講師黎左，佢係一個營養師，之後，又派左一份notes，之後就睇下，個101室都好大下，不過細過學校個101室！ha！

之後開始上堂，講左一D好日常生活既野，之後，講講下，就講到一D比較理論性既野，例如好似一D蛋白質或者單或雙醣既結構，

係完全好biochem。好似係學校上緊堂咁！係睇結構式wor，我真係覺得好chem ar！之後有D野就係係會考Syllbus裡面既，即係，

我已經係學校聽過，而且會考操過past paper仲要好熟，但係都好開心，有幸可以再聽多次！真係笑左出黎！環顧四周，睇下D人，

差唔多完部都係師奶，過左四十果D！除左我，最後生果個都係三十到尾！真係勁無奈！全間101除左講師係AR sir之外，剩下的，

只得一位男學生。真係無奈。之後ar sir有一次問，你地會煮咩湯水ga，之後，我係度偷笑，ar sir望到，之後補返︰或者ar媽呢？

真係好好笑ar！之後，講既野好多都可以運用到我bio同chem學過既野！真係愈聽愈興奮！有生以來都未試過上堂上得咁開心既！

之後就上左5姨媽屋企，坐左一陣之後就走。距離會考放榜又近左啦！