今日一早返左學校練eng oral，因為今日考，想有多d英文既語境意識。所以琴日勁說carmenli倍我返去練，thz ar！！

之後，返到去，係Mr.A既口中知道，中一有個同學係對面斑馬練比車撞到，送左入醫院。成班老師開prayer meeting。

之後，佢地散會，我竟然見唔到任何一個中一既班主任係度lor！真係o咀，班主任唔去，反而其他老師去……真係o晒！

之後，同0，黎保，陳啟耀，carmneli一齊練左陣，就走了。又見到蕭啟堯lor！佢仲行黎行去，十足十果次見大獅子咁。

之後，返左home一陣，整下野，聽下903，抖多一陣，就出左去O了。今次食左個河粉，好似琴日同miss ng食果餐咁。

之後，返去再抖，之後，就出發去考英文oral啦！去左張振興，行果條天梯，真係好辛苦lor！其實係study leave果時，

carmenli同我行過一次，真係....今次自己一個行，仲要帶住少少緊張既心情，所以行到熱晒。之後，係校門等左一陣，

就入去了。又上樓梯 =.=" 入到402 waiting room，之後，見到既係灰色既石屎牆跚，d台同chair係連埋一齊，仲有，

開度門係有依依聲既，出面又暗，真係好似拘留室。今次聽0352958呢個number好好多啦，反應快左，唔會load唔到，

又快過中文oral果陣，之後，考既時候，準備室個人同我地講︰加油ar！真係o咀……之後考，OK LA。到左走既時候，

行佢個校園，愈來愈覺得似拘留所…希望abc sir快d on line la，希望我真係add到佢。

今日，我同carmenli又返左學校幫miss ng手。返去既時候，有少少無奈，學校canteen無人，得我同carmenli兩丁，

之後等等下，就同左佢上去一樓，之後，搵miss ng，見到chem chan，佢又搵我幫手………之後，入去101a做野，

超開心。之後出去，又見到大獅子，陳麗珠！真係…大獅子就著得勁特出，陳麗珠就唔係著返佢一貫既sports wear，

怪怪地咁。做做下野，無幾耐，就出左去lunch！幾開心丫！真係，係果度見到miss so。之後，又返去，廖sir lor！

壯我地間房！之後carmenli出去，勁耐先返，排住同佢個so sir去海運！重色輕友！哼！miss ng都話你naughty ar！

我估abc sir真係周大獅子走左。算啦！今次再撞到蕭啟堯，佢講既野同表情係同上次完全唔同，因為今次佢已經知道，

我係中五學生，並非中一二學生！非常恐怖！

畢業了……同學們好辛苦地搞左一個謝師宴，係呢一晚，有黎既同學個個都好開心，真係同同學同老師影下相，傾下計，

食下野，個個都盡興而歸。由出屋企門口果一刻開始，就知道自己會玩得好開心。不過，都真係有失敗之處。不過算啦！

同端端同婉怡係mtr station等，之後，我打比婉媚話要遲d，因為端端同婉怡遲左。但佢同我講，因腳傷所以唔去lor！

我同端端係度說佢去，但最終竟然話已經行緊返屋企，去扶佢，佢又唔肯講佢係邊，好似我地再好心扶佢地佢都唔領情，

我真係覺得佢會後悔，佢又唔聽，之後，就決定去到同佢班主任講。係太古站，比端端不斷地係咁埋怨我點解唔搭的士，

由筲基灣搭的士去旺角，傻左咩！三年之前我可以會就佢，但係三年之後，我對返同一個人，我先知道，我終於進步左，

唔會好似以前咁，e+既我，似leader左。去到MK join左carmneli同ar草and安琦，ar草著得ok bor，安琦就成身黑色，

幾恐怖，但都適合既。carmenli套衫，雖然我早就知佢套衫係點，但今日睇返，真係有d似啊太。之後，我地一行五人，

去左帝京酒店。見返d老師，真係有d好似好耐無見咁。d同學有d真係化好濃妝，有d就唔化妝，好似我咁，入到去之後，

開始不斷地影相！接近瘋狂狀態，之後同左kitty，carmenli，草，安琦，5指，lam lam，妹，咀，一齊坐，幾開心下。

見到miss chem chan個女同埋miss kowk個bb。又影相。又同左bio miss ng影相，真係好開心ar！之後準備開始啦，

坐埋位，又唱下校歌ar，回顧下，睇下片，我上左鏡兩次，一幅係上年學校open day我係st.john準備操果幅大頭相，

一幅係好似開cell定咩活動，有幾個同學一齊影既相。其實仲有班相果d，不過連個樣都細到睇唔清楚，唔計啦！之後，

校長又講左d野，咩我地成長左好多ar，果d野啦。之後，老師出去領野食，我就同carmenli勁係度睇相。其實之前，

碧麗珠曾經過過黎我張枱，同幾個同學影相，carmenli話碧麗珠都用一貫既眼神望住我，但我當時對眼係望緊部相機既，

所以無事。果時我已經知道我今日再見到佢唔扮下野唔同佢影相佢一定會話我針對佢。之後就同左我既中一班主任影相，

其實我都唔知點解我會同佢影相，但係果一刻我知道如果我唔影既話，可以之後都唔會有機會影。但係佢表現到好開心，

仲話︰我係佢中一班主任。果陣真係有d…之後，見到account miss ng，我地咁岩眼神接通左，我過去影相。haha！

之後我出去領野食，一路影相一路領野食，搞到半個鐘都未領到野食，但我又唔知食咩！真係...領住個吉既碟行行下咁，

經過bio miss ng，miss tam，高sir，account miss ng同mr abc既推介之後，先領左少少野食咁大把。之後，返去，

食唔夠五分鐘，又出過去影相了。見到大獅子，但唔想問佢係唔係獅子座。之後，同miss tam影相！人文miss kowk，

又同左MR.A傾左一陣，之後，見到so rich， 又同佢傾左陣，我e+先好清楚地知道，原來孔令濤係同abc sir好friend。

之後，幫孔令濤同abc sir影，真係鬼馬(見下圖)。之後，我再同孔令濤影！佢叫我影佢碟三文魚wor！無奈lor！真係....

之後，見到碧麗珠，之前話過唔扮下野唔得，所以就影張相！之後比carmenli睇，佢都話我勁！haha！之後，又出去，

見到miss lau，就叫miss ng同我影，之後，miss lau問我︰你記唔記得你中一果陣點上堂ga？我真係.....無奈…之後，

再影相，影高sir食野，佢中三果陣已經比我影過一次ga啦！haha！再影多陣相，就走lu。同左carmneli，迪哥同mr.A，

一齊搭車走。超開心，勁講英文。係火車站先聽到有紅雨，勁無奈。一齊渡過了一個精彩的晚上。

some of many︰