2010年既最後一日，我應該係香港既，但今年，我選擇留係布市，所以，除夕夜就係布市既一片安靜中渡過。

至少如果我係香港既話，應該會比較精彩吧。

同KARAN煲雞湯，成功了。

2010年最後果三日，竟然有D特別。係屋企自己一個人一間房，所以夜晚同人相處既時候比較少，係香港，

入過三次CAMP，基本上係唯一同朋友其渡晚上既機會。過去果三次CAMP都係同幾個人同房，大家都好開心。

同房係入CAMP先會有機會，黎到呢度，無同房既機會，因為homestay係唔可能有同房，只有同屋。

仲記得係ronnie度既時候，有一次發現老鼠，我連自己間房都唔敢入，成晚留左係yyc間房，仲一齊訓。

琴晚，到karen有問題，係我房渡過左成晚。原來夜晚傾計，係有一種神奇既魔力，啊！今日有雞湯。

好耐都無認認真真咁寫過日記了，琴日返完聖誕前既最後一日工，估唔到咁就上演左聖誕一大好戲，六國大封相。

話說有一台食客，全台都係香港人，當時佢想要X燒飽同排骨，岩岩有個同事幫佢落左單，但我的蒸車岩岩出，

都有X燒飽同排骨，我諗住等ORDER出，等廚房比佢可以make sure唔會double order，之後比山哥見到，

佢就話快d啦，兩個都係熱一樣姐，之後個男人話︰會唔會重複左ga，之後山哥就話唔會唔會，一樣姐，快d比佢就繼續啦！

之後，個男人就話我真係唔介意等，真係唔會重複張單丫嘛，之後山哥就話︰你食啦！我幫你入廚房取消張單！

之後有同事同我講44跑台要x燒飽，因為唔係x燒飽同排骨一齊，我注意減低左，加上果時個男人行開左，

我又無為意，我就領左龍飽比佢地，之後個男人岩岩返黎，見到有double order，就找山哥悔氣，發飆了！勁嗌交，

嗌到成間餐廳同廚房都聽到。雖然呢場戲只係做左大約五分鐘，但係我個心涼晒。哈哈！等山哥平時同所有人講野都咁粗，

淨係同老闆講野唔會，同所有同事，同食客，講野又粗又大聲，有時咁都唔係問題，最重要係無point，莫名其妙！

有時我真係好懷疑如果淨係靠佢實力佢跟本無可能做到呢個位，佢係靠耍流氓先上位。就好似上次wendy做緊有台人要青口，

佢架車無，就過黎睇我架車有無，但因為我之前有賣過，唔sure成疊下面仲有無，咪搵下lor，之後佢一句話︰你地兩個研究咩啊？

繼續啦！之後，一手推開wendy。喂大佬啊，個客既要求唔洗理咩！你做咩生意啊，莫名其妙！雖然呢一次既六國大封相係我一手造成，

我今次亦都可以算係挖洞給他跳，但係真係有d心涼既感覺，佢平時粗，有人粗過佢，簡直係一物治一物！

今日去買野︰用myer gift card，爽啊！

第四張相專登放大d，因為我覺得張相我影得好好，無論係光線，focus都做d有d特別。注意︰我無用反光板，無閃燈！但唔知點解有個光影。