由於包租婆唔係brisbane，所以佢個女"無王管"，琴晚帶班friend上黎，一路直落，由20:00到01:00，開大個電視，

勁無奈lor！次次啊jan去旅行佢個女都會係咁，真係煩！今日07:00先起到身，所以遲左少少出門口，見到有個人訓係sofa！

差d比佢嚇親！之後出到去city，無上個星期咁靜，起碼有d人係度行，條街亦唔會一架車都無。之後去到qut既computer lab，

都有少少人，都係多過個星期。一開始就做左陣chemistry，之後再睇左陣chemistry既powerpoint，之後再睇analysis chem，

都已經集中唔到，唔知點解。而且analysis chem既野都有70%係stat既野，而且仲係跳grade既unit，真係完全無idea可以點lor！

之後又勁累，所以睇scb384，見到下個星期既powerpoint upload左上黎，就睇下啦，係講examin a body。pathology黎既！

lecture two既第一頁寫著一句warning，係警告你個powerpoint黎緊有死人既相，會好恐怖ga，如果淆既話可以走出個lecture room。

真係前所未見既好笑！最好笑既係Please do not hesitate to leave the room！睇完個powerpoint，就訓著左！！！

訓左一陣，就出左去食sushi，都ok，之後等340返去，撞返個foundation既朋友，係讀心理學既，同佢傾左一陣野，

似乎，佢係少數中既一個會唔怕同人分享自己所知既野既香港人。

今日係星期六，原本真係無堂既，不過，留係homestay都無野做，唔想成日就咁留係homestay，就過左一日，

所以，朝早07:00就起左身，之後就返qut既computer lab，開始做我既野。寫左個plan，就跟住個plan開始做presentation。

上星期二聽左七個同學既presentation，佢地都present得好好，但好明顯有d係抄書既，因為d point都好熟，我有睇。

連個lecturer都聽到有d咩，見到佢塊面開始黑。但有一個year three既，佢係我既mentor，真係present得好好，

佢真係好有料果種，完全唔先點做野都可以講到好多好到point既野！真係有d羨慕佢！所以我決定係未到我之前，

我要改一改我個presentation。唔可以再用果本"教科書"裡面既料，料，要自己搵！改左少少，內容cut左，但explain多左。

希望都可以拉到十分鐘，但其實我真係無咁既把握……由09:30做到12:00，之後終於放棄，留返天日可能再執過，

因為再做落去，果條quality and effort既curve係exponentially decrase！於是check check e mail，點知收到個mail，

pqb312個ana chem叫我地做左個pre workshop activity佢wor！個workshop下個星期就上！真係最後一分鐘先通知，

咩事啊！雖然我有d不滿佢只係比兩日時間我地做一個要用兩個鐘黎做既activity，但因為時間所限，我都無辦法，即做。

做完個analysis之後仲要做兩個quiz，果兩個quiz仲要係passing grade of 80%！！見到之後真係想問佢有無病！

之後用左一陣去研究個background，之後仲要做excel去計，佢d imformation又唔夠，有d唔識做，之後自己去yahoo搵料，

實用同scb384個presentation一樣，自己靠自己搵料！之後又真係比我搵到！haha！終於做完個excel calculation，

就做果兩個quiz，都覺得ok，submit之後先知道原來自己領到100%！原來我真係有咁既能力！之後去左食sushi，都唔會太多人。

係咁落雨，己經落左一個星期啦，至少，令到我好累，我呢一刻唯一對上天既要求係︰停雨啦，好嗎……

17:00去左跑步，今日加碼，但竟然可以由第二個街口到返返去都唔停wor！我既體能真係好似進步左啦！兩個星期，真係好左。

哈！不枉我風雨不改地堅持！

由星期一開始，個天就開始落雨，落左三日，停左一個上午，然之後就再落過，落到今日，到呢一刻都未停。

雖然雨量有唔同，但係都係落雨，一早起身唔可以見到代表希望既陽光，突然之間有D想見到。係未落呢場雨之前，

好多時都會埋怨點解陽光會咁早起身，點解會咁強搞到我要擔遮，但五日都未見過陽光之後，個感覺竟然會咁唔同。

琴日停過一陣雨，我以為天空終於放晴，點知原來唔係，係繼續落一場大雨。我都以為星期三PQB312個lab之後，

我學業上都會有突破性發展，但點知今日上philosophy既時候，先發現原來實際情況並無改善。今日15:00開始，

但我08:00已經出門口，09:15返到去，之後都睇左一陣philosophy既notes，以為上堂既時候會明多d，點知都唔係！

都仲係唔明。原來抽象既哲學加埋一個學左十幾年既second language都可以咁富挑戰性既，本來出lab之後有一種成功感，

令我覺得我既天空撥開左一舊雲，但係原來只係我自己高估左自己既能力，場雨原來係繼續落緊。

12:00 lunch，出左去city去返老地方買sushi食，之後去supermarket買生果，都係循例做既野，都ok。之後行到myer，

出面有icecream派！！！有個heaven chocolate，好好味！！！