今日既哲學堂由08:00開始，所以06:45就出左門口。上堂前原本想去E Block睇下introduction quiz既result，但太早了，

真係門都未開。所以，唯有去左上堂先。本來哲學堂應該好悶既，但係因為不停咁抄抄抄，想悶都好難。又驚skip得太快，

個powerpoint又唔會upload上blackboard，所以唯有上堂既時候盡量抄低晒所以野，就算上堂聽唔明，之後都睇得返。

兩個鐘係咁抄抄抄，抄到手都軟埋。抄到咁多野，雖然上堂都仲係聽唔明，但感覺好似好d。之後去左E Block睇個result。

發現自己雖然唔係全班最低分果個，但係都算係低分。經過呢個quiz之後，我開始覺得自己既能力真係比local既同學差，

其實我有d失望。之後我入左computer lab收都個e mail，個course coordinator要見我。佢話可以讀5個semester都ok。

其實我真係有d開心，但係我都好擔心。因為上左scb384同scb110之後，我真係好擔心我會追唔到！e+仲話要加多個unit，

真係向我既能力挑戰。其實我好想同個course coordinator講╴但係之前我既爭取，佢地又努力咁同我plan，又可以快，

我應該試下。但係我之前迷茫既感覺更加強。觸不到摸不透既感覺真係令人覺得非常迷茫。之後scb110 tut，s308。

第一次既tut。個tutor都好好人，之後group埋一齊既討論。雖然討論既係好science既野，但係大家傾傾下，都舒服左少少。

星期二放18:00，星期三仲20:00，無咩時間……跑左幾日，隻腳已經習慣左有乳酸既感覺，雖然今日由08落雨落到18，

但我都仍然繼續， 兩個字之後，件衫都濕透晒。

今日係星期六，係一堂都無既日子。但係我唔知咩原因，唔想留係homestay。本來琴晚仲未有任何planning，

亦都無諗過會唔會出city，因為實在太累，個腦無時間亦都無空間去諗。但係我有一個感覺，就係好多野做。

一個semester既開始，估唔到就忙成咁。week two就有presentation，真係史無前例！由於實在太多野做，

所以list左一個表出黎，最後自己都好驚訝，原來一日二十四小時真係唔夠用。開頭真係想唔出去，

靜靜地做好d野。但係最後都因為要做presentation，所以返左qut既computer lab。

係澳洲已經讀左三個semester，今個semester係第四個。每一個sem都有一段時間係有一種迷茫既感覺，

但出現呢種感覺都係每個semester唔同既時間，今個semester既呢種感覺黎早左。正確黎講，係愈來愈早。

係computer lab做下chemistry 既assignment，發現已經無上一個sem既咁易，真係要諗一陣先做到。

一開始做一題難既題目既時候，真係無從入手，但做做下就會有頭緒。突然間諗返起中學某一個老師講過，

學任何野，就好似著過頭笠既毛衣咁，笠頭既時候係難，但過左果一陣，就會舒服好多。諗到呢度，

我覺得之前迷途既感覺係對前景不明朗而唔知可以點做既感覺，就好似著毛衣過頭既時期，之後就會舒服。

係年初二行完年宵食dinner既時候，睇到頭條新聞，播左一隻歌，我幾鍾意，每次聽到，就諗起2010年既初二。

藍亦邦 向前走

作曲：藍奕邦
填詞：藍奕邦
編曲：Ted Lo
監製：藍奕邦/徐繼宗/伍仲衡

喝過太多苦水 道行若有失修 治途還盲目到背叛了摰友 當中所有憾事當做試練我的源頭 也算種豐收

記掛純屬念舊 定或是舔傷口 遺留懸念漸化成這雙手扣 怎可一生躲於回憶拒絕看透 錯過了縱然內疚

光陰都不可給倒流來補救 如若青春只等於哀愁 寧願我額角多一個皺

再痛也要繼續去向前走 怕了再去奢望某某營救 停留原地踏步倒不交出氣力搏鬥 鬥嬴更多關口

抹去那串眼淚再向前走 過去縱有失望再也不追究 前塵留在舊日 既是拋低別又回眸

愛過也會失戀 賣力亦會失手 也要抬頭面對現實那麼醜 都不該惦念著幼稚天真的小時候 哪會長得透

收起陳年電玩 道別校舍韆鞦 誰人還期望歲月永久不朽 捨不得拋開的回憶也漸生鏽 哪個會叫住時間

蠢得好想阻止它停留不走 如若眼淚總不會倒流 沉著氣還看無限宇宙

再痛也要繼續去向前走 怕了再去奢望某某營救 停留原地踏步倒不交出氣力搏鬥 鬥嬴更多關口

抹去那串眼淚再向前走 過去縱有失望再也不追究 前塵留在舊日 既是拋低別又回眸 時候正慢慢溜走

多艱辛也繼續向前走 別又害怕放低一些恩仇 停留原地踏步倒不交出氣力搏鬥 突破多些關口

欠缺勇氣都需要向前走 處處佈滿風浪也要向上游 前塵留在舊日 既是拋低別又回眸 青春悄悄地飄走 請跟我向前走

====================================================================================

屋主出左去，大家一圍四人食DINNER，先發現我之前真係估岩左。佢真係甩拖。果一晚，佢死都唔肯講，

就係見到佢連飯都唔食，又好緊張咁打電話。今日先發現，原來我估岩左。

今日係我第一次上Forensic science既科，scb384。真係期待左好耐。原來都真係有十幾個人既，低估左。

本來真係驚得果幾個人。又係上個semester jsb979既lecturer，個美國佬，好重美國口音，好難聽！！

講左一陣之後，講左一個topic下個tutorial要present！for heaven sake！week two就已經要present！！

重要佔12%！之後就咁講個topic出黎，要我地自己寫，好似以前中小學時候默書咁。但係原來我默左咁多年書，

都無100分！幾咁諷刺！之後入左forensic lab，唉！真係……

"As an expert forensic scientist witness, what steps would you undertake to preserve a crime scene from contamination

respect of an arson investigation for evidential purpose."

我諗我都應該研究一下點做啦！