開工都成個禮拜喇,要跟番晒D單...

今年算系大豐收啦

淨系利是巳經千幾,再加埋我生日既利是

不過俾左一半媽咪

過多幾日又出糧,今個月都吾洗食塵住,嘻嘻

今日又系同D單決戰緊...FIGHTING!!!

有D傻傻地囉,LILLIAN打黎問我拎番張單,我諗住問BOBO啦

點知口快快得濟,嗌BOBO變左嗌自己名

笑到我暈,眼水都流晒出黎

仲聽到LILLIAN喺電話度笑到鬼咁大聲,吾知系咪聽到我嗌錯名呢

俾BOBO話我今日傻下傻下咁

WHAT IS GOING NOW??

今日有人黎INTERVIEW吾知MAY姐會請邊個呢??

新年假到左最後1日,聽日就要番工,又吾想番,又想番咁

尋日媽咪自己去左食早餐,我就訓到好晏,10點幾先起身,用左2個鐘頭既時間黎化妝

等媽咪番到黎我仲化緊,不過都差吾多架喇

媽咪好醒目,自動買左個包俾我食,不過佢好冇記性

因為我淨系鐘意食豬柳蛋漢堡,吾鐘意食佢買左既豬柳漢堡

不過都照食啦,食完就出得門口LU~

今日去上水姨媽果度,帶埋媽咪買俾我既辣味炸紫菜

去到呀姨到系咁食,真系好好味架

坐左陣,細佬話要去睇戲,毛英細佬都同埋佢去,咁我都跟埋佢地一齊行

不過我吾系去睇戲,去火炭呀

公司今晚有個開年飯,呀琪約左我4點鐘去到

不過要由呀姨HM出番去搵車搭系超麻煩

所以THX姨丈車我地出去

去到酒樓4點都未到,可憐1個人都冇囉

咁我咪諗住去番火車站,行行下又俾我見到KAREN

一齊行番過去,仲系1個人都冇

之後落去兜下都好過喺酒樓呆啦

呀琪CALL我,第1句話呀坤好掛住我,講完仲要系咁笑

咁我咪又笑埋1份,佢話我笑得咁開心既

好明顯系佢玩野啦,所以先笑下

落埋地下搵佢地兩個,4個企喺度吾知做乜

企企下都系上番去酒樓度

呀坤即刻叫人同佢打麻雀

可惜我吾識玩,睇下佢地玩

玩下玩下,呀祥黎左,岩岩好4個

之後呀坤睇雜誌,呀祥拉埋我落黎玩

我都系傻下傻下咁玩咋,好似細路仔砌積木咁

之後佢地吾玩喇,但系羅生佢地岩岩好黎到

之後羅生系咁叫佢地玩,佢地又玩喇

我咪又企喺度睇,同KAREN一齊睇

一路睇KAREN一路教我,算系學識D基本既野啦

開始好鐘意麻雀喇

之後開席啦,同KAREN坐,我地呢台全部都系女仔

飲紅酒溝SEVEN UP

食食下野,隔離果台羅生佢地個個都拎支紅酒過黎

系咁叫我地呢邊既人飲,但系我就避難,因為佢地留意吾到我

之後果個呀祥冇啦啦話我仲未有酒,果陣我仲喺度睇羅生點樣隊班女仔飲酒

D女仔見到羅生拎住支酒走過黎就怕到好似食左FING頭咁

我坐喺度睇,都笑到暈喇

俾呀祥咁講,個個都望住我同埋我果隻空杯,我都望住佢地2秒

即刻收埋隻杯喺台底度,班人笑到咩咁

好驚架我...飲完邊個送我番HM呀...

之後呀宏同LILLIAN猜枚,SUKI同BOBO唱K

其他果D女仔繼續俾人隊

我就繼續笑,之後都俾MAY姐叫我飲1杯啤酒

之後吾知邊個又叫我飲,咁我就拎住杯忌廉當啤酒,仲嗌"飲呀飲呀飲呀"

呀宏見到啦,仲話"今次仲吾俾我捉到,喺度忌廉扮啤酒,仲嗌飲呀飲呀飲呀"

仲叫我放得杯忌廉先,班人玩到好癲

之後都成12點幾先番到HM

今朝好晏先起身,媽咪佢地去晒土爪灣,我就緊系吾去啦

夜少少入沙田,麻麻,FUNG同我生日,食餐飯咁

聽日就要早D起身,所以今晚就早D番到去洗白白訓覺

諗起仲有好多野未做就想求救

各位新年快樂呀^^

就要番工喇．．．又要努力

系時候搵Ｄ野讀下，仲未想讀住架其實

呢幾日放假放得好過癮，原來有好多人都開始番工

個個都話我就好啦，下個禮拜１先番工

其實我仲想放耐Ｄ

但系又怕悶喎．．．

黎緊既３月４號系我生日，果日我地個個都會去麻麻ＨＭ

因為麻麻都系呢個月生日，系咪覺得好奇怪呢

我吾系２月２０號生日咩？！其實我地淨系會拎農曆黎做生日

３月４號果日系農曆１月１５，而麻麻同ＦＵＮＧ都系農曆１月幾生日

我地年年１定會幫麻麻搞生日架

但系吾會喺佢生日果日先搞，因為要睇下佢生日果日系咪星期日

我地都要番工嘛，不過我生日果日咁岩系星期日，咁就系我好彩喇

我巳經收左姑姐既利是，ＴＨＸ　ＶＥＲＹ　ＭＵＣＨ！！！

跟住仲有媽咪啦，其他果Ｄ吾知ＬＵ

不過收完錢過兩日就出糧，今日財運勁ＧＤ囉

ＴＨＸ　ＧＯＤ！！！不過要還債．．．

財運好，愛情就自然吾好，不過我情願財運好喇

起碼錢吾會呃人先啦∼

HAPＰY BIＲTHＤAY TＯ MＥ!!!

１８歲生日喇，終於”大個女”ＬＵ∼

雖然冇出去玩呀，慶祝下咁，但系拜年之中渡過，個ＦＥＥＬ都幾ＧＤ下

拜左幾日年，得兩個字”好攰”

到到都去齊晒喇就，下個禮拜就番工，冇乜心情

日記都好似冇乜想打咁

日日都好趕，起左身之後就一定要洗頭＋化妝

系人見到我都話我個樣１８０度大轉變，其實都冇乜點變

化左妝，面系白左Ｄ咁解姐

睇左”門徒”喇，ＳＯ　ＧＤ囉

張靜初系幾令女，雖然吾系ＨＫ人

個名都令個人啦

ＴＨＸ　高叔叔同ＡＢＢＹ嬸嬸請我同細佬睇戲

呢幾日食炸紫菜食得好狼死，生晒暗瘡囉，ＳＨＩＴ！！！

但系真系好好味，ＭＹ　ＬＯＶＥＥＲ＾＾

講住咁多先啦∼各位新年快樂２２＞３＜２２

成半個月拿,冇好好打下日記

難得今日放假,呢半個月記得就打下先

睇黎第日放工番HM,第1時間要打劫佢地部腦先得

大概咁講下每個禮拜D野,仔細D就吾多記得拿

第1個禮拜,BOBO俾左疊單我CHEAK,系有排CHEAK果隻

因為搞呢疊單,我連紅單果D都CHEAK吾到,總知我呢個禮拜系最慘啦

第2個禮拜都系俾D單轟炸緊,但系呢個禮拜系最開心既

因為出左糧同埋電左髮丫嘛^^開心到爆,夠我買新年D野TIM

出糧第1日就去買我之前睇中左果件33,雖然喺2PERCENT度買

但系都OK好,因為2PERCENT D野質地麻麻,吾多LIKE果度D野

但系之前電髮,等埋ANDY放工,叫我喺2%度等佢順便睇下野

咁就睇中左拿,買完又想行下睇下仲要買D咩

行行下就買左好多野,番到HM都吾知點安置佢地好

跟住有日朝早番工見到BOBO,佢話同呀琪,呀坤仲有呀祥去九龍灣DIOR開倉果度買野

一放工成班人走都走吾切咁,結果因為我慢左少少放工,系少少

落到去見到呀祥同呀坤上左車等緊我地

佢地話因為我遲左出發,罰我俾的士錢,系咁整蠱我><

最後都系因為呀祥點司機叔叔行多左路,由佢黎俾的士錢

仲要一路行一路俾呀坤媽叉佢,我同呀琪跟住佢地尾

佢地行到好快囉,我地差吾多要跑先追到佢地

BOBO喺後面傾電話

上到去,BOBO個FD黎左,3個人1張籌,我地6個人岩岩好2張籌

D野吾多令,話晒都系開倉貨,但系都俾我執到對耳環同頸鍊

我覺得系最令囉,價錢都吾算貴,但系埋單就吾系咁講拿

有D肉痛咁,個個人都買左2樣野呀坤就買左3樣,不過有2樣系送俾佢女友

呀祥去到齋睇,都有俾D意見我既

買完走人,去牛頭角果邊食飯,呀祥帶左個FD黎

BOBO個FD吾多LIKE咁...之後我知點解LU

笑左幾下

跟住BOBO同佢個FD去德福行街,我就同呀琪搭車番大埔

其餘D人都走晒,番到屋企,睇左幾眼DIOR,好LIKE呀^^

第3個禮拜,番埋呢個禮拜就放年假拿

個個都好開心,我就好努力搞掂D單,進度系慢左D

不過放假前搞掂晒LU,但系搞吾晒D紅綠黃單

唉...新年番到黎又俾D單轟炸

最後1日,姐系尋日啦,個個都做好晒D野

LUNCH果陣好搞笑,樓下換左電視機我都吾知

睇完之後,上番去做野果陣,MAY姐話睇完拿,有聲,又有得笑

我就呆左下,講"下...有聲?!"之後走番入去,先發覺部電視機有聲

因為之前部電視機不嬲都冇聲,原來換左電視機

KAREN笑到面都紅埋,之後就上面D人都笑我傻傻地

我的確系傻傻地...HAHA

放工整埋晒D野就放工LU,個個都執到個位好乾淨

之後約左細佬同MK行街,又破費,行到攰爆

俾細佬催番HM,聽日去慈雲山~