今日又要番工拿,今次我12點37就起左身拿,但係遲左出門口,成11點10先出,因為我唔想番工嘛,但係好無奈地我係要番,唔係史提忽又話我放飛機,今日遲左成3個字拉卡呀,好彩冇俾人鬧姐,一開始,手都未洗就俾呀hei點左去加乳酪同布丁,好凍呀個雪房,跟住又要加茄汁果d野喎,跟住都做番counter,今日史提忽有番工呀,我加8號袋既時候,見到佢,我就話"史提忽,你番左黎拿,我好開心呀"佢就話"係呀"跟住順手用本野輕輕力咁拍左我一野,仲配埋音tim,我喺counter既時候,遇到個好煩既呀婆呀,佢買左個大雞,話要送細薯條喎,但係之後見到人地有野飲,佢又話要野飲,我真係唔識搞囉,咁鬼麻煩,係講極都唔明既人囉,又話冇野飲就唔濟,hoi ying話如果要野飲就唔可以要個細薯條,佢又話唔濟,都唔知點搞,呀mei仲嬲嬲地tim呀,我都好想鬧個呀婆呀,煩到死,搞左一輪之後,就走左咯,仲有個呀伯呀,我話長者卡有野飲or野食送喎,佢就話麻鬼煩,乜野都唔要喎,淨係要薯條,我好嬲囉,我地係要話俾佢知呢d野丫嘛,咁就鬧我,咪唔好要囉,今日見親d老人家真係煩死人呀,跟住christine幫我執野喎,做做下野,我唔知點解咁興奮喎,有兩個男仔過黎買野食,跟住我好興奮咁大力收果個莊,仲要傻笑tim呀我,個兩個男仔都笑埋一份,可能我就黎放工,所以好開心囉,嚇親人tim啦,原本呀kin放我工架,但係史提忽又唔俾喎,過左一陣,呀kin話放我走喎,我話但係史提忽唔俾我走,佢就叫我走拿,呵呵呵,入到去crew room,史提忽,mei lan,cici,iris仲有hoi ying都喺度呀,跟住呀man都入埋黎,跟住我喺佢地面前除bell,呀man瞪到隻眼好大咁望住我,跟住我就轉身話唔好望啦,mei lan就話呀man唔好咁咸濕啦,然後就問我做咩,我咪話我除bell囉,佢就話"celia,你唔可以咁架,你係女仔黎架"跟住我話我唔當自己係女仔黎架"佢就O左嘴咁望住呀man果邊,呀man同cici就喺度笑,cici話"成排男仔喺度架"mei lan話"你唔係cici呀,唔可以做埋d咁既野架"我好無奈咁笑拿,跟住karen入左黎拿,佢放工拿,我話我d頭髮受傷害,史提忽話乜我會受傷害咩,我咪話係我d頭髮咋...