今日真係好鬼無聊呀,今朝起身就要番學拿,電腦補課呀><...我好遲出門口呀,落到下面,家螢同君企喺學校門口度,佢地等緊芷綸呀,番到去,一個人都冇,我竟然係第一個番到黎喎,坐左一陣,d人都番黎拿,芷綸叫我坐去佢果邊,我話不如你過黎坐,佢就坐左過黎拿,同佢都有傾下計咁,不過俾我知道左卓婷升唔到...跟住又要做網頁拿><好鬼悶呀,過多一陣我都唔鬼做lu,我睇番自己之前打既日記,諗番起以前好多野呀,有開心,有唔開心,諗起之前因為覺得番工好辛苦而想辭職,但係而家竟然覺得喺麥當奴度好開心,唔捨得辭職,真係好唔捨得,雖然番工果時有時會有d問題,但係到玩既時候,個個都玩得好開心,d人都對我好好,其實佢地係好好人架,所以我唔想辭職,而家諗諗下,都係唔考慮住辭職lu,但係喺日記度,都有我唔開心既野,都係朋友之間既野,雖然好唔開心,但係都過左去,我亦都唔想為左呢d事而再唔開心,因為我信我就算而家同以前有幾咁唔開心,我以後都總會有開心既事,而身邊亦有好多好多朋友,原本我以為一直都淨係得一,兩個朋友,或者得自己一個,但係而家發覺到,其實唔係玩得好埋果d先算係fd,就算玩得唔埋,都係fd,只要大家心裡面真係有當自己係fd,點樣玩都可以好開心,反而,表面似知己,但係實情並唔係咁fd,係唔會覺得開心,而且會覺得好辛苦,唔開心,辛苦到喊,呢種有名無實既友情,唔係我一直都想要,我淨係想要人地真心當我係fd就夠,唔係既話,就算同我講點樣有當我係fd,我都唔會開心,一諗起實情根本唔係口裡所講既,我就覺得好假,由中一開始,同每一個fd玩,都係嗌完交再玩,重重覆覆,冇停過,我知道因為大家都有問題,到而家為止,我唔可以話完全學識同人相處,但係我亦都為左同人相處,而好努力去改一d唔好既缺點,雖然到而家為止,我都仲係會同人嗌交,但係比起以前,我覺得巳經好左好多,嗌交既次數都愈黎愈少,喺每一次嗌交之後,都會檢討過,亦都學左唔少野...唉~而家雖然同人嗌交呀,但係我都冇唔開心,可能...我...總知就係冇唔開心既感覺啦~

今日玩得好開心囉,朝早成6點幾起身,好快咁洗頭刷牙洗面,搞掂晒d野就出門口,時間都幾迫下,因為7點3就要到,我先7點出門口...我到左既時候,後lobby淨係見到呀man同billy,入到去,佢地望住我,billy唔知講左d咩,我話佢痴線,呀man就...算啦,唔講拿,跟住我就入去crew room啦,yanny同apple都到左,佢地個個都著拖鞋喎,我都算著得求其拿,不過出到去,多左好多人,有d著長褲啦,覺得好似好好玩咁呀,我地坐左一陣,就上車拿,一個二個都去搬野,我就拎d燒烤叉,我同yanny坐呀,呀鋒佢就講d crew meeting既野,講完之後,就抽獎,我抽到薯片,終於都到左拿,佢地個個都走去換衫,我就同novia去玩下沙咁啦,睇住d人俾人扔落海,笑到我死呀,個個都落晒水,cherry佢同我一樣係唔落水架,我地都戴左con嘛,佢話一齊試下堆心心,堆堆下,billy冇啦啦捉走左佢,扔埋佢落水喎,我仲喺度唔知咩事,到billy捉左佢去到差唔多海邊,我先大嗌佢唔落得水,過左一陣,kelvin同唔知邊個走左過黎,望住我,我都知佢地諗乜野架拿,我即刻話我唔落得水,我冇帶衫,同埋戴左con,kelvin佢都話我唔扔得,因為佢見到我著第二d鞋,佢應該知我唔落得水,唉...嚇得我丫...呀鋒都有帶佢既仔仔黎呀,好cute架,對眼生得勁似呀鋒,所以我一估就估到係呀鋒個仔拿,我堆堆下沙,佢就黎左我呢邊玩拿,呀june佢地好鐘意同佢玩呀,我就喺咁同佢玩,冇啦啦有人喺我隔離講"好得意呢"原來係呀man同billy喎,都唔知幾時坐左喺我隔離既,佢話有冇興趣生番個...我都懶得睬佢呀,跟住我就番去食野,諗諗下,我想買番條褲同鞋,方便我玩沙,條褲勁短呀,搞到我好唔自然呀,呀kin仲話我好似冇著褲咁呀,跟住我地玩game,好好玩,而且好搞笑呀,話時話丫,carman真係好好人呀,佢幫我燒野食,唔洗自己燒,今日真係冇黎錯啦,玩得好開心^^

今日一大朝早就要起身番工,成7點幾就要起身,咁鬼早...人地仲唔想醒丫嘛...對於我黎講,7點幾起身巳經好早lu...因為我尋晚1點先走上床訓覺,但係我又訓唔著,喺床度碌到成2點幾先訓得著呀,原本諗住7點半起身架,但係我唔願起身喎,搞到成8點先起身,終於都係遲到...無奈...番到去,勁唔舒服呀,可能我冇食野既關係呀,好鬼暈呀,胃又痛喎,耐一d仲想嘔...跟住我就攬住個肚...好唔舒服呀,果個呀kin話我急屎喎...我十分無奈囉,我都唔係,佢仲走去同經理講tim呀>﹏<...我又唔想同佢講我咩事...之後經理問我有冇事,又俾人話我失戀,我即刻話唔係呀,佢就係咁問我咩事,仲問我係咪月事,我就話緊係唔係啦,都唔係而家,佢就話冇呀,問下咋...我咪話我有d唔舒服,佢就問我洗唔洗俾我番屋企...我又唔係好大件事咁,緊係話唔洗啦,...之後我喺counter度,呀kin冇啦啦話我黎m喎,嚇死人呀,我就唯有話我只不過有少少唔舒服,俾佢玩死呀,之後就做到成4點先走得...我原本放3點嘛...攰死我呀,跟住我坐喺crew room度休息下,鬼知愈黎愈多人入黎...呀man都入黎食野,佢冇位坐喎,就想坐我果位,我死都唔肯走,佢就搞我d頭髮,我就俾佢坐lu,我就坐左去第二度拿,不過好迫呀,坐左成半粒鐘...我就走人拿,聽講今日出糧,我就去銀行睇下,出左拿,俾我諗既多好多呀,開心死我呀,還番d錢俾屎屎,仲可以慶祝呀媽生日,呵呵呵,今年係我第一次出錢幫呀媽慶祝生日呀,唔知買唔買蛋糕好呢...跟住呀媽就番左黎拿,同佢講左佢生日果日出街食飯...呵呵呵,佢好似好開心咁喎...咁又係既,我成日都激到佢鬼死咁嬲,今次俾d甜頭佢....

今日要拎成績表呀,今朝打電話俾雯,佢遲左出門口,屎屎等佢黎幫佢噴頭髮,費時俾呀sir捉嘛,跟住我地都遲左到,仲俾許sir捉tim,我仲以為捉遲到咋,原本佢都冇諗住叫我落G2室,但係佢見我同屎屎佢地一齊,順便捉埋我....入到去,我地各自坐唔同地方,好無奈囉,跟住同屎屎send message,但係我部機冇電喎,我都唔知tim呀,冇啦啦又多左幾個男仔入黎,miss仲叫個男仔坐我隔離,仲無奈呀,佢成日郁黎郁去,但係過左陣又俾文sir捉左去染頭髮,真係嚇死我呀,文sir望住我喎,我好驚佢捉埋我去囉,唔想染番黑嘛,又過左陣,我就訓左覺,但係成日都俾人嘈醒左,跟住成班男仔入左黎喎,又嚇死人囉,想訓都冇得訓呀,有個男仔講野好搞笑呀,仲成日搞到雯好無奈咁笑tim,我都俾佢講既野笑左幾下,佢果fd謝家勤,叫屎屎過去雯度坐,屎屎求左miss好耐,先有得過去坐咋,雯見到屎屎坐左過黎,就喺咁同我講88,唉...有屎屎,緊冇我架啦,都唔係第一次,係第幾次呢,我都唔知拿,n次掛,但係個心唔知有d咩感覺囉,好怪囉,跟住謝家勤仲叫埋我過去坐,我話都冇位,跟住果個男仔行開左喎,佢就叫我坐,我話個男仔要坐嘛,跟住個男仔就坐左拿,佢都冇野講拿,跟住又冇啦啦叫我坐佢大脾,好無奈...許sir叫屎屎坐埋原位,但係又過左陣,屎屎過左黎我呢邊喎,拎我張成績表睇,順便坐埋落黎,勤仲叫屎屎過去坐,但係屎屎唔過,我就話不如佢過黎坐,佢話"好呀,我過黎坐",跟住就彈左起身,我話"你真係過黎坐架?唔好拿,88"佢話"你叫我過黎坐丫嘛,見你係令女咋",佢實係話屎屎令女拿,放左學之後,屎屎同雯上黎我屋企洗番個頭,佢地好多野講呀,講過唔停,我都唔知點好,好似同佢地講唔上野咁,唉...失望啦,然後我就要去匯豐幫老豆入錢,跟住就行下...佢地仲係好多野講咁,都冇理到我,就算我好努力咁試下同佢地講野,都係咁...好辛苦囉,跟住就冇講到野,然後就跟住喺佢地後面,啊!!!!!!!!!!!!!!!!!!!!!!!!!!!!!!知就唔跟啦,入完錢就走,起碼冇咁辛苦呀...一路行就一路諗,愈諗就愈唔開心,個人就愈down,喺佢地面前...都唔知點做人呀,淨係識得跟住佢地行,可能佢地都覺得我阻住晒掛.....啊!!!好想喊呀....救命呀,果時個心真係好亂咁架...諗d野都好灰,人做fd我做fd,我就做得咁辛苦,仲要係姊妹,咁我以後仲點做呀,唔通一世都頭dun dun咁喎,乜野都唔講,唉...唔想再係咁啦,乜都衰過人架近排,屋企度巳經唔係咁好,番工果度仲死,愛情呢樣野我都冇得講,友情都令我唔開心n次,諗起以前可以笑哈哈咁過日子,就係唔知點解為左呢樣野而成日喊,喊得最多tim...仲慘過拍拖,仲要睇住佢地嘻嘻哈哈咁喺前面有講有笑,都唔知點解我係咁傾唔上,定係因為佢地淨係想同對方傾計呢,咁咪好似以前同儀玩既時候咁,又係冇人理我,點解喎...唉,下次都係自動走人仲好,好過隻眼睇d唔想睇既野呀,到夜晚,沖涼既時候就愈諗愈唔忿氣,上到去chatroom,見到有個女仔-細細芝,佢話有冇人同佢傾計,我就即刻話同佢傾計,點知原來係佢,竟然同校,仲同級tim,不過係唔同班之嘛,我都算係識佢架,知佢係邊個啦,初初佢淨係聽我個名都唔知我係邊個,俾埋相佢睇,佢就知拿,因為佢都見過我嘛,我地就喺咁傾係咁傾,初初佢問我做咩上黎玩,我就話因為唔開心所以就上黎搵人傾下計,佢問因咩事唔開心,凡都講唔出,次次同珊傾計,講到呢件事我都唔知點講,可能我潛意識想唔記得件事掛,我地喺msn度用咪傾計,佢話搵日一齊出黎做壞事,但係我怕暈,咁樣衰,俾佢睇到就唔好啦佢俾左好多相我睇呀,同佢都幾好傾,不過我怕我會悶親佢之嘛,之後仲同佢傾埋電話tim....講左好多野呀,都有講到珊以前同佢同班果時,d人係點蝦珊,仲有講到腐乳狗架,原來f.3果年,蘇燕蓉喺班房俾人鬧係因為佢講佢個花名呀,跟住佢d fd就幫佢鬧蓉拿,我地就係咁傾到點幾鐘拿,佢仲要去馬鞍山呀聽日,所以要快d訓,我就無聊...走黎打日記...