| ching220 |
|
|
暱稱： Cλιηg
性別： 女
國家： 香港 |
| MORE... |
| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
最新日誌
日誌分類
我的好友
我的連結
 
由於生日鐘插件的供應商已終止此項服務，由即日起此插件將停止運作，請用戶將其從日誌版面中移除。
不便之處，敬請原諒。 |
2005 年 7 月 4 日 星期一  |
又同屎屎去mMmmK aR....  |
Hey...攰死人呀,因為我同屎屎去左mk行左成日呀...好熱呀,今朝呀,我唔知醒呀,唔係屎屎打俾我都唔會醒呀,佢都知到我未訓醒喎,佢上到黎,我就刷緊牙,又要洗埋臉,洗頸,等死佢啦,跟住我又要入房戴con喎,抹乾個頭,換埋衫,食埋野...我諗屎屎實好無奈啦,跟住我地去大中度搭72X,一到mk,我就話要去colour mix到睇野,有個女仔就介紹一支洗面既野俾我地,我同屎屎都feel唔錯,就買左拿,我地之後就緊係睇衫啦,屎屎佢又想買衫褲咁啦,佢又真係買左幾多喎,我就買左個袋同一件衫,件衫好大呀,之後就去睇銀包,屎屎話想送俾佢呀哥既生日禮物呀,我睇到有頂帽幾令,百幾蚊,好想買呀...行多一陣,就番屋企,屎屎陪我去埋新世界度交錢呀,因為之前有d問題囉...不過都搞掂晒拿
|
| 2005 年 5 月 24 日 星期二 |
| 自自然然既一日... |
今日呀,英文要present呀,初初緊係有d驚驚啦,但係傻下傻下咁present,亂up一大倫野,又唔知自己做緊乜,係冇乜咁驚喎!!!我今朝為左準備份英文野呀,成7點咁早起身,3個之中,最爛訓咪就係我囉!!!搞到我好似訓唔醒囉,訓左兩堂都唔夠...唉~我地今日又食pizza呀,好味好味,到英夜堂既時候,雯雯成隻暴龍咁衝入課室喎,佢好嬲呀,點知原來係果個乜水話雯雯喺今次既英文project冇做過野喎,真係賤格呀...佢又要求求其其咁做份野,搞到要雯雯搞番好份野,英文present又話到時先算,痴線架...雯雯嬲到喊囉,真係好鬼衰呀佢,今日我又番工呀,呀kin睇黎睇死我咁呀,我都開始諗下好唔好辭職,但係...我唔捨得果度既一d人,同埋我辭左職既話,我會冇錢洗,我唔想再過以前冇錢用既生活...夜少少既時候,史提芬唔知點解冇啦啦發脾氣,好得人驚囉,我唔敢同佢講野呀,我記得有個女人走過黎我條line度買色帶,我問佢係咪買俾佢d仔仔女女,佢笑住話緊係啦,我咁老都唔岩戴啦,我就話我都唔戴架,佢就話我咁後生都唔戴?!我話呢d野唔岩我嘛,佢就走左拿,好開心呀,可能同個客傾下計,跟住joyce問我同個女人講左d咩野,我同左佢講一,兩句就要take other拿... |
| 2005 年 5 月 20 日 星期五 |
| 要做英文present呀 |
今日成7點3先出門口呀又,我成日都遲到呀,不過次次都好彩,冇遲到,但係我怕唔係次次都係咁好彩呢...澤話想去富善m記度見工喎,不過佢唔肯自己去見喎,要我幫佢問經理,傻既,見工呢家野邊有得人地幫自己見架,佢話如果經理唔請佢既話會好瘀喎,但係呢d野好正常,唔係請就係唔請架啦,我都幫佢唔到呀,佢話我出糧請佢食味千拉麵喎,我話冇所謂,佢條粉腸話我好假喎,算囉,我話唔請囉,佢又話我巳經應承左,都唔知佢想點呀...不過我真係冇所謂囉,我覺得開心就得lu~呢d野都係遲d先算啦,好想去旺角呀,我買左條褲唔岩著,要拎去換呀...我肥左呀>﹏<!!!lunch我地特破,我地食pizza呀,好味呀><.....放左學次後,我要同張嘉儀做英文呀,做到成5點幾呀...好彩今唔洗番工呀,我走人既時候,經過我以前既3b班房,好懷念呀,我諗我讀完中5唔讀拿.我地3個做一樣野,係咩野就唔講拿... |
| 2005 年 5 月 19 日 星期四 |
| 好攰呀... |
好耐冇打日記拿...今日我又係咁,又番學又番工...所以好攰好攰呀!!!呢3日都有番工,但係次次都係早收工,今日特別冇精神呀,一諗到番工,就冇乜心機咁,我又係咁樣遲到左10分鐘,好開心呀,唔洗做counter呀今日,成晚都做lobby,我同史提芬講左可唔可以早放我走,佢話都知道我攰架拿,叫我精神d,8:30放我走,過左一陣,佢冇啦啦叫我入counter做野喎,我話唔好拿掛,佢話因為counter d人要去上堂喎,我要修去頂住佢地先,真係慘呀,我唔想同客講野呀,又要問呢樣又要問果樣,又要走黎走去拎呢樣拎果樣,不過,我都幾珍惜而家有得做野既機會,因為我考試唔得既話,老豆要我唔好做份工呀,我會好唔捨得架,所以我點都要考試進步番呀,唔係既話我就冇錢洗架拿,講番轉頭丫,我等到冇客既時候,就蹲低左,cici問我係咪唔舒服,史提芬話等多陣,就黎會放我工,我就企番起身,史提芬睇住我發呆,我話好想嘔,跟住走去飲杯暖水,水都未飲完,史提芬就叫我收工拿,我好似死過番生咁呀,終於可以番屋企休息下拿,呀kin話7點幾咁早就放我走?史提芬就話我今日狀態唔多好,果個呀kin話我個樣不嬲咁柒....好無奈,係呀,今日番左工冇耐,史提芬用果d唔知咩液fing落我到,咁岩我轉左個身喎,d唔知咩野咁岩fing落我隻眼到喎,痛到我即刻蹲落地喎,跟住佢問我咩事,原來佢唔知喎,我好鬼驚啦,驚到唔知自己講左d乜咁,我好似話佢d唔知咩野呀...我隻眼度呀...差唔多係講d咁既野囉,我d眼淚流到好似開水喉咁喎,企鬼左喺度,唔知點算好,跟住我開始叫拿,好驚好驚!!!史提芬就捉住我隻手,拉我入去洗眼喎,經過廚房既時候,我聽到唔知乜水話咩眼架,我都唔係好聽得清楚邊個人講唔知咩野拿,不過我聽到有個類似billy既野走左過黎,唔知講左d乜,史提芬就話最衰都係你啦,就係咁多拿!!!不過講真,我一d都唔怪史提芬,因為佢都唔想丫嘛,佢都冇諗有過咁岩得咁岩fing到我隻眼,呵呵! |
| 2005 年 5 月 2 日 星期一 |
| 去mk再去飲呀o.o |
|
今日呀,係我姑姐既大日子呀,佢終於都結婚俸,呀(女麻)都放心啦,睇住晒佢d仔女結晒婚,仲睇住我地d孫大個tim,不過仲淨b仔叔未有孫孫俾呀(女麻)抱呀,不過...b嬸佢有左呀,真係開心呀,終於都有個bb俾我玩下拿,好想快d抱我既堂細佬or堂細妹呀,玩玩嘛...今日原本要番工呀,但係我要去我既姑姐既飲宴呀,所以搵人頂我去番工囉,有d驚史提忽cut我鐘呀..今朝趁有時間,就同呀媽去食早餐,跟住去埋新世界度上台呀^^仲陪埋屎屎去mk換褲褲呀,啊!!!我貫左野呀,3件外套呀...成$120呀...我真係冇得救呀...唉~我地睇仲左個westwood既銀包呀,成7百幾蚊呀,真係丫,不過我都仲有睇仲左對鞋呀...好令令呀,大約400蚊啦,我同屎屎仲買左一樣既介指呀,不過俾我唔小心趺爛左呀=.=我地行到成3點幾就走人拿,我要坐mtr去呀(女麻)度呀,跟住就跟叔婆去酒樓,我同姑姐影左2張相呀,李學樑請我地去食m記呀,仲用左我一次6折卡呀,我就食左佢一個雞腿包呀...跟住我趁有時間就做下功課啦,做做下,澄澄佢喺我隔離望住我,嚇死我呀,跟住我都冇乜心機做功課,走去同澄澄傾計仔,我地傾傾下學業d野,就傾拍拖d野,過左一陣,我唔想阻住佢溫書就走左拿,跟住佢就叫我陪佢落去行下,買野食,係買糖食呀,就喺零食蜜言度趺爛左隻介指呀,鬼叫我成日都玩隻介指咩,就咁就俾我跌爛左佢...唔開心...我地走既時候,落到樓下,我地成班人企喺度傾下計,澄澄呀媽話我高左好多喎,又話我好令女呀,呀媽又話左俾佢知我有做野,澄澄呀媽就問我會唔會冇時間做功課讀書呀,我就話識得分配時間就唔會怕冇時間啦,跟住澄澄呀媽就話我講野好乖咁下啦,我都唔記得佢講乜,大約係咁既意思啦,佢地問我成績點,我話都保持到10名以內啦,佢地又讚我拿^^澄澄仲話我對鞋好令喎,澄澄呀媽問我喺邊度買,我話求其一間度買咋... |
|
