〔晚飯期間〕
姨：
「唉！依家個關口唔比人出，成日都截左啲貨，但係有證（橋頭紙）果啲成部單車裝晒都過到，
仲有啲人成車成車送過去，依家賺唔到錢啦，比人收左啲貨仲要賠錢。」
媽：
「哦，但係你都照行嫁啦。」
女：
「媽咪，其實呢啲係咪同上水果啲一樣？」
媽：
「唔係呀，上水果啲要搭火車去羅湖，要用回鄉紙，我地呢個關用橋頭紙嫁嘛。」
女：
「唔係呀，我係問佢地做既野係咪一樣？」
媽：
「哦，係呀。都係拎返大陸。」
女：
「甘依家截人唔係好嫁咩？唔好令香港啲野走晒去大陸。」
姨：
「中國甘多人，唔夠唔通唔買。啲有證既人成車成車甘送過去呀！我依家一日三十蚊都賺唔到。」
女：
「啲大陸人搶晒人外國啲奶粉又搞到香港周圍都係藥房。」
媽：
「係呀係呀，搞到香港啲物價都貴晒。」
姨：
「無咪要買囉，奶粉平成幾十蚊喎，其實香港乜都係大陸造嫁啦，依家都係比返佢地咋嘛。」
女：
「香港有啲係日本同外國野嫁。」
姨：
「有錢就乜都得嫁啦！」
．．．．．．．．．．．．．．．．．．．．．．．．．．．．．．．．．．．．．．．．．．．．
女：
「點解細佬呢排唔想游水既？」
媽：
「係阿肥仔咋嘛，叁叁想游嫁。」
姨：
「今日我問肥仔游唔游水，佢諗左一陣，之後話『唉！游喇游喇。』佢個樣郁都唔想郁甘。」
媽：
「佢想打排球呀。」
女：
「甘點解要佢游水？」
媽：
「最主要係因為佢果級無人識游水，佢依家就算唔去練既話遲啲都要代表學校去比賽，
如果到時游得慢好樣衰嫁嘛。最緊要係過左個比賽，到時有個成績面試中學都加多啲分啦。」
女：
「．．．．．．哦。」
〔晚飯後〕
媽：
「阿女，幫我染下啲白頭髮，我聽日要去食飯，比人見到好醜怪。」
女：
「嗯。」
這是我第一次為人染髮，效果相當不錯，看來加上我的剪髮技巧已足夠做髮型師了哈！
期間，媽媽不停跟我分享做了半輩子女人的體會：
你果個朋友呢，有無話第日想做咩？
喂！好呀！我中意喎！
佢屋企有邊個呀？
你依家仲細，你唔會諗住同佢一世嫁嘛？
唔會嫁，好少可可以第一個嫁，你大個啲就明。
下！同齡唔係甘好嫁，通常呢最好呢係搵個大自己幾年既．．．．．．
係呀，女仔係早熟啲嫁嘛
要搵個成熟同識照顧你既
佢如果讀到大學呢，大把女仔識啦。
唔係叫你搵個好有錢，但係貧賤夫妻百事哀呀。
「其實一齊捱都無咩唔好姐。」
係，但係好難做到嫁。個世界甘大．．．．．．
你點都唔會係佢第一個女朋友啦？
係囉，甘咪係囉，好難一世嫁。你遲啲就知嫁喇。
所以呢，你依家千其唔好為佢晒太多時間或者做啲咩呀。
最緊要係讀到大學先。
甘佢之前點解會分手嫁？
佢份人點嫁？
唔，最緊要係了解對方囉。
甘又係既，依家都仲未知第日會點，咩都係要睇緣份。
雖然有一些我不認同的話，
但要是有一天我成了誰的母親，
說不定也會如此語重心長。
媽媽，其實你的話是對，
可是我的眼光同樣沒有錯！
|
