今日起身成個人超累…本來諗住今日可以瞓遲d
點知今日要一早去練波..本來約左kinling既…
但佢依家發緊燒…所以自己一個人去到寶琳度…
等埋d人一齊去體育館…今日只係有好少人去咋…
有班人話去左班會旅行…今日只係有5個
之後去度….換完33…同d人傾下計…就要開始拉筋囉…
嘩….我隻腳仲痛到依家…一路拉一路痛…..不過都要頂硬上…
之後就係度x波….本來就冇咩野啦..之後叫我地要跳起x波..咁我就大件事啦
跳既時候對腳真係好痛…..有d想唔做…之後仲要跑兩步再跳起x波
哈哈..做下做下就唔知痛…之後就係度搓波…
今日啊sir冇來…由黑豬來做指揮…佢叫我地一邊開波…
一邊接一傳…之後我地開波開到超散…黑豬超嬲…
叫晒我地全部人練開波…練完開波至開始接一傳…
嘩開波開到個幾兩粒鍾…開到我隻手都酸晒…
琴日都冇咩流過汗..今日d汗就不停係咁流…
之後就開始休息..休息10分鐘….
休完息仲要練多一粒鐘…我唔想再練啦…我成個人超累啊…
之後就開始要接一傳啦…..時間一路過..終於到12點啦…ya…
3個鐘既酷刑終於結束了…哈哈
之後搭地鐡返歸….返到屋企第一時間就係開機啦…要問下julie今日點
佢叫我地3點鐘係樂富既mtr等….本來我以為kinling會唔去..因為佢發緊燒..
點知我call佢問佢去唔去..佢話去..哈哈..佢既病好返d啦…
咁我地就一齊去…去到樂富就見到啊珍佢地…
而有d人就未到…之後等埋穌炳剛佢就去左買野…..買左D野就要搭的上去獅子山郊野公園…
咁穌炳剛佢就話唔去要去觀塘到同啊X志峰一齊玩…
咁我地班女仔就上左去啦…上到去找啊梁漢忠佢地…佢地已經起左火啦..
好勁哦…之後就開始燒野食啦…
開始燒既時候我D野燒到焦晒…嗚
julie佢地燒得好令哦…我真失敗…
之後不停有人問我地個爐會燒到幾耐….其實我地個爐都係問人借既…
燒到7點鐘左右就要俾返人啦…
之後蔡子恩同佢個fd來左…周小妮帶埋支拐杖來…超好笑…
佢琴日跑到抽筋…而佢又帶左羽毛球拍上來真唔知佢想點…
我地係度燒野食..佢地係度打羽毛球…
後來d野燒晒lu…我地都食到好飽…係差唔多時候個爐要俾返人lu…
咁我地就拾一拾d垃圾丟去垃圾桶…之後去到公園度影相..
係公園度見到有石春路..咁我地就有人話玩猜包剪x猜輸左一次就要跳一下..
兩次就要行一段路..三次就要用跑…之後就個個都除晒鞋…
嘩…行落去隻腳好痛啊…之後開始啦..kinling跳既時候好痛叫左出來…
之後個個都差唔多痛到叫左出來…開頭我冇咩猜輸過…後尾就不停係咁輸…
我跳到對腳超痛…之後kinling退出左唔玩…咁我地就係度不停係咁猜…
| 
