今日我9:00先起身,

之後食早餐都食左到11:00喇,

仲有d人未起身,等到起哂身,

然後就去左長隆水上樂園,

一入到去就換衫,

我又冇帶拖鞋喎,搞到又要買多對,

一開始我地就分開玩,

4男4女自己玩,女仔就去左超級造浪池玩水先,

男仔就去左水吧游水,

之後玩左都冇5分鐘個到就行雷,仲落雨,

d救生員就唔比我地玩,

咁我地就跑喇,跑跑下d男仔叫我地,

原來佢地係把遮下面坐住,

咁我地就入埋去坐,

之後就哂左一個時間等停雨,

d男仔話唔玩喎,不如走,又開locker拎毛巾,

因為真係太凍,之後又冇咩雨喎,

咁就去食野喇,

食到咁上下,就去左水吧游水,

我都係學唔識,都係淨係識浮,

玩左半個鐘到就唔玩喇,

去左超級大喇叭排隊,

排左45分鐘到喇,

又要自己搬個個浮圈上去,

個個野又重喎,

我坐最尾,又睇唔到後面d野,

一沖左落去都唔知,

淨係玩得一分鐘,太少喇,

我地本身排大滑板先既,

點知個度有兩條隊,咁d女仔話係呢條,

咁我咪排囉,點知唔係,係合家歡滑道......

排到差唔多先覺,點解咁小人既,算喇,就玩左合家歡滑道,

呢次我可以睇到前面呀,

咁仲驚喎,有一下一衝落去,好大風,

離心力都幾大,呢一下我都有叫......都係一分鐘到,

玩完再去排大滑板,發現岩岩多人,我地排個時就小人喎

合家歡滑道同大滑板都係咁喎,都好喇快d...

我地有8個人,佢話唔比喎,最多6-7個喎,

咁忠哥咪唔玩囉,

之後坐喇,佢一轉又係我坐最尾,

之後佢再轉去琪琪個邊,琪琪用普通話講"不好"

個個人又轉返我度,我都講左"不好",就開始左喇,

我坐個位好激,又睇唔到後面喎,

淨係睇到個6個人,

一衝左落去睇到佢地叫就知咩事,

原來個時沖去u字形個度,

之後落到去,我阿哥係度游水,個度係唔比嫁,

係比我地落浮圈既,之後行上地面,佢比人吹雞,

話唔比游水,好搞笑>.<

之後諗住走,咁我地就去寶貝水城...

一開始話玩一齊淋人地,

然後佢地話玩"捉衣恩"喎,

咁就算喇,走喇...

就到好遠,好彩佢地捉唔到我,

咁佢地又唔玩,咁咪唔玩囉,去左玩滑梯,

我一上到去,就比人用個度支水槍射,唔識嫁,仲好細個,

咁行返落去喇,我比一個留斗照頭淋,

早知遲d落去喇,時間岩岩好,

之後個個大既桶,都滿水,好彩唔係照頭淋,

個個都知道個度有水,就係個度等,

原來一大桶水照頭淋幾好玩,好正...

HaPpY EndInG......

走之前都買左條大腸食...