晶：

　　琴日同媽咪去咗家姐屋企，夜晚去和民食飯，個抹茶雪糕真係唔錯∼好滑！！之後９點幾搭４２C返屋企，途中有個阿叔因為隔離有人食麵包，而向司機投訴，仲鬼咁大聲．．．隔咗無耐，佢又無lala同個ｏ靚仔嘈，仲差d打交，唉．．最後佢竟然報警話個ｏ靚仔恐嚇佢，搞到架車唔走得，要等警察嚟問話，果陣已經係１０點幾，搞到成車人都要冇得返屋企，要轉車，所以好多人話佢痴線，佢仲要鬧返人喎！！浪費警力！！！！估唔到巴士阿叔事件會發生喺我身上．．．

　　今晚補Wilsom Liu∼佢好似講得唔錯，雖然我唔係好明，講得都幾快，不過真係唔駛背式∼∼哈哈！！PA一d都唔明佢講咩，d人又話其實佢教d野係好後先教，唉∼都唔教基本ｏ既！！又冇得補喎∼咁點算呀？？楊sir話如果第１次text全班合格ｏ既話就請全班唱happy hour!我估佢地會因為我而冇得唱！！

晶：

　　琴日同家姐食完M記之後，開始有d喉嚨痛，今日食完lunch d紅繞豆腐之後病得仲嚴重！！唉∼∼

　　開始覺得我地班d人好煩．．好嘈！！唉∼d靚仔全部都喺隔離班，放學同飯飯去咗行街，行到５點半諗住返屋企，陳潔打電話嚟，陪佢去青衣城買鞋，遲咗成１５分鐘先到！！sor ar~~原因係我搭錯車，搭咗香港線．．又再一次係咁，都唔知係第幾次喇！！

　　見到陳潔又諗起scgｏ既日子，日日都同朋友一齊，幾開心！！佢ｏ既性格仲係冇變，心大心細！！不過佢好似日日都好開心咁∼真係好！！７點半先返到home。今日發覺呢個世界成日都喺度變，無論發生咩事時間都唔會停，唔會等你，所以自己都要變！！

ying~~

今日同圓玄既同學仔(chacha and  herdi)一齊出荃灣剪頭髮......

唉....剪得都唔好.........傷心........

跟住就去睇衫衫...褲褲...........

but咩衫褲都買唔到......

then...同chacha去青衣城買波鞋.........

買完之後........去翠怡買運動服.............

個社件衫又係yellow ar.......

好唔鐘意ar.....

......之後就食麥當當....回家lu..........

ching:

　　今日去咗開學典禮，見到好多傳說中ｏ既補習名師，仲有F.Shum，Wilson Liu講得幾好笑，「食萬寶路，學業會進步」，「一d著得好現代ｏ既學生」∼哈哈！！仲有Alex Lam講得好岩，本來仲以為佢上去淨係識搞笑，發覺講得嚟又幾又道理，可惜我冇修econ！！

　　放咗之後同飯飯去咗旺角行街，６點先返到home~~