好耐又冇寫日記喇....好懶....

由邊度寫起呢?

28日，同mabel食飯...去左尖咀.....我買左件褸..佢就買左2對boot..

mabel係佢個日記有mention我..我睇完都有d感動!~

節錄:
「同B san都覺得，講o野唔會就住就住，我o既真面目，佢了解最多。笑到碌地o既樣、喊到豬頭o既樣、毫無儀態o既說話、非常深底o既說話，就算見得不多，聽o既都一大堆。
我一直都講，B san係我最信o既人，有d咩我都會話佢知，o係佢面前，我從無一點虛偽。
最大o既原因可能係，佢唔識我身邊o既人，我講d咩，佢聽完唔會 (應該係無途徑) 話俾我身邊其他人知。
佢真係睇住我大，睇住我讀中六七、讀大學、出o黎做o野，點開始拍拖、d小姐脾氣點討厭、點任性、點自我、點甩拖，從來佢都話我唔好，唔可以咁樣對男朋友。
但係佢近排居然讚我呀...佢讚我開始識得consider人地感受，佢讚我係好女仔呀...你明唔明白呀，其他人同我講我有幾好我係唔會信o架，因為佢地識o左我真係好短時間。
但係我識o左B san七年喇，由佢成日話我任性，到依家佢真係讚我，咁即係我真係有進步啦，YEAH~~~~」

29日，上星期六..我同傻一去左睇容祖兒演唱會...都唔好睇...冇氣氛..我都睇得唔投入添...完全冇驚喜喇...

30日，星期日，我阿媽生日，之前傻一陪我買左個手袋送俾阿媽...佢好鍾意呀..個日都係係屋企行行企企，夜晚就食得好飽...我飲左4枝汽水.....勁

31日，今日返工好驚...因為佢地星期六拎左好多野返黎...之後就落黎分貨.....女人+街市=瘋狂.....好貪心....好顛...

1日，11月喇....希望係一個新既開始.....返工都唔太忙..不過不斷練習煲冬瓜.....好辛苦...個4聲...放工join佢做gym，又曨燈.....死喇....我上個星期食左7日熱香餅，肥左3磅.......真係好似好易咁.....我要keep住呀

2日，放工返屋企，不過今日返工見到d令我都幾感動既野...朝早返工搭巴士係土瓜灣見到有個阿伯流鼻血坐左係街度，另一個阿伯就不斷拍拍個個阿伯既膊頭安慰佢，我見到有股莫名的感動，我第一時間係度諗，唔知我到個時會唔會都有人會咁樣安慰我呢?希望有喇....

3日，返工都係不斷練，放工傻一黎左搵我，同我去捒衫...不過又唔岩..個金百利個肥佬..我以後都唔會再入去個間舖!!去到做gym..好多人..哈哈...做左一陣就走喇...我今日送左梁詠琪既cd俾佢....我依家都download左黎聽....d歌都幾新格，不過好似冇一首好搶耳.....

呢個星期我好開心....希望可以繼續落去喇...