呢幾日好攰...........突然對公司好似冇哂歸屬感，開始完全唔認同老細既想法.........唉...

上星期五(4日)，終於到個workshop喇.....我今次都已經算準備左好耐，不過到我present個時都係有d緊張..可能我對自己既煲冬瓜能力都係好有限.........另外，個ms. chan真係顛顛地....成日臨急臨忙就做叫人做東做西...我自己個presentation都未搞掂，失驚無神又叫我present個會...我一口拒絕佢....話我冇準備...之後佢重串我..話我平時都係咁講架喇...腎腎地既..平時我係介紹centre，佢自己介紹個會...況且煲冬瓜係要練....我自問唔可以做得好....我亦都冇咁偉大會諗我會令個會好魚皮，我淨係覺得冇面既會係我囉.....!!!最後佢自己講返...但係入去之前佢都唔憤氣咁再問我一次點解我唔present，我都好快答佢話我冇準備.....anyways，最後我既表現都唔係好.....到下晝，失驚無神又叫我將朝早既野要立即寫返出黎俾人comment...佢個人真係好心急..!!!!不過老細就係咁...講之嘛，又唔使佢做?..一句野就做死人....跟住我問佢夜晚點，佢完全冇諗過囉...又叫我做moderator，又咩都唔講....點呀.......!冇質素!到夜晚，坐公司車去世紀，係架車度好噪，佢係咁同a同b講公事.....好煩...成程都聽到佢把聲!!!個晚食飯都ok既...我個part都不過不失......食緊野個時我竟然覺得自己social左，會搵d話題同身邊兩個3唔識7既人講野....嘩..我都估唔到我會!!

上星期六(5日)，到左大function既日子，都估到係係亂到7彩架喇...每次都有哈碌既情況..不過都預左架喇.....我都冇眼睇...每次都係方哥同哥利亞...方哥就係個d好緊張自己做錯野.不斷重覆又重覆check，結果就係係重覆又重覆既過程當中令到件事糟透.....哥利亞就係咩都攬上身..自己又冇咁多能力..結果就咩都有問題.....佢事後重話俾自己90分(自己俾分有意思咩?)...我自己.做mc時開頭都幾緊張..不過之後又ok喎，我重會爆肚講秧添..之前都未試過架...最搞笑係竟然會有小學生讚我靚仔..重聽到有兩個中學生係我背後問我係咪DJ?哈哈..........識貨呀!不過佢地一定估唔到個「DJ」之後要搬野囉.....放左工之後就嘍囉左一陣....之後就搵傻一喇...我地約左阿德佢地去元朗大榮華食飯...慶祝阿德生日，成程我同傻一都冇咩點講野....基本上都係得阿德，gilbert,aaron同derek講野...不過佢地既對話又真係幾搞笑既...成晚最攪笑就係aaron話自己係阿旺....跟住話gilbert個髮型同樣貌似阿好..笑死我.呢餐飯都好開心呀......第一次食豬油撈飯.......嗯.........之後返左西營盤食糖水就返屋企喇...

星期日(6日)，朝早飲茶，跟住我去左買d野...之後行左一陣就去搵傻一，我地諗住去買衫...哈哈...食左個tea就出去喇....去左尖咀百利......嘩........我地竟然可以係個間舖逗留左成3個鐘，我買左2件裇，2件T，一件褸同一條褲.....買左成1800蚊..佢重犀利......5條褲，1件背心，2件裇....不過係呢3個鐘頭又真係幾開心....同個sales Andy又好好傾...又好攪笑...我地成日係度亙串....重動手添...我好記得佢突然搣我去塊面...我真係唔識俾反應佢...佢既Sell野手法又真係幾得既...傻下傻下...不斷推我地去試.....試下試下你就會想買架喇....心理學呀..犀利!!!!!攪到我地10點半先走，重未食野......平時買左咁多野一定會有少少內疚..不過今次又冇...可能今次開心喇...之後嗱嗱聲走去食老麥..跟住就返屋企喇...

星期一(7日)，返工本來諗住好多野做...但突然又唔使做.....超free..不過ms. chan又發顛..自己下年唔想去台灣開會..又唔推人..求其叫我或燈小姐去....有冇病呀...我同佢老幾...人地係學術交流...我或者燈小姐去到做咩呀present d 咩呀?教人什麼是tb呀?ms. chan..唔該你唔好成日求其做d野就當係解決問題喇....成日擺同事上枱!!!!!妖!!!!!!!放工行左一陣去搵傻一...因為今日係我地4個月既紀念呀YEAH!.....我地之後去左灣仔「紅」寶石餐廳食野....個扒都好好食呀...我係個度送左禮物俾佢..希望佢鍾意喇...佢話杯熱檸水好好飲...我就話佢個心甜o者..攪笑....佢話如果張卡大d就重好....好喇.....我明架喇!!!今日覺得佢好似細個左，得意左...哈!食完之後去左無印買野食..之後送佢返屋企...係架車度竟然見到佢阿哥.......好邪....我唯有扮早一個站落車喇.......4個月..話長唔長..話短唔短....我地有開心既時候...都有唔開心既時候...係度我希望我地之後會越來越開心...少d唔開心既野喇....大家一齊努力喇!!!!!!!!!!!!!!!!!!!!!!

呢幾日個心好舒服..好平靜....我好鍾意呢個感覺.......