11日(星期日)，飲完茶返屋企坐左一陣，就去搵傻一，之後我地去左尖咀百利攞褲，點知去到未開門..之後唯有行左一陣又食野先，去左別府食野....之後又上左去velvet，同andy吹左一陣，又試左d褲，結果又買左條褲喇...跟住去左睇憶蓮concert睇尾場，今次睇尾場，有比較之下，原來睇200蚊飛真係差好遠，會冇咩氣氛，見到前面企起身，好high咁，我都有d想起身，但又驚阻住人，又好似冇咩人拍手...不過今晚憶蓮把聲好過之前一晚，由於尾場，個rundown又有d唔同，多左好多歌，最驚喜係有「心野夜」，「春雨」同「願」聽，今晚唱多左好多歌呀，唱到差唔多11:50呀....犀利，我第一次睇concert睇到咁夜....憶蓮唱得真係好好，佢都喊左兩次，總括來講，如果今晚都係坐400蚊會perfect
林憶蓮夜色無邊演唱會2005第四晚Rundown
[後台化妝準備video]
[街頭look]
01 推搪
[脫大衣]
02 回家對著你媽媽
03 本色
04 微涼
05 心野夜 [代替"獨行少女"]
06 點唱機 [配合分身舞]
[換衫-日本武士video]
[和服look]
07 無情實驗 [升上高台]
08 決心 [脫和服變劍道look，背部的假紋身花樣不同了]
09 沉淪
10 為何他會離開你
11 沒結果 [新加歌曲]
12 住家男人 [Soler合唱]
[換衫-Soler唱"Family Man"-彭敬慈倒吊扮星]
[白紗裙look]
13 鷹與星
14 再生戀
15 沒有你還是愛你
16 為你我受冷風吹
[換衫-倫永亮彈琴]
[粉紅晚裝]
17 至少還有你
18 感情不老 [歌迷送玫瑰花後哭了，但忍得住]
19 細水長流
20 多謝 [握手時差點哭，亦忍得住]
[換衫-感謝名單合照]
[藍色絲絨衫褲]
21 Diva
22 不還你
23 天大地大
24 一分鐘都市一分鐘戀愛
25 灰色
[encore 1-換衫-紫色背心黑絲巾]
26 難忘您 [之後沒唱"微雨撲巴黎"]
[契爺胡楓上台chat和跳懷舊舞]
27 擁有 [點唱]
28 不捨不棄 [點唱]
29 因你瘋了 [點唱]
30 長街的一角[點唱]
31 瘋了
[encore 2-換了之前未穿過的長裙]
32 傷痕 [新加歌曲]
33 願 [新加歌曲]
34 日與夜
[encore 3]
35 春雨 [新加歌曲]
36 無憾 [新加歌曲]
37 早晨 [新加歌曲]
38 激情 [新加歌曲，快板，罵倫永亮捉弄她，只唱了幾句]
39 前塵 [新加歌曲]
14日(星期一)，返工都冇咩發生，放工就立即返屋企食飯
15日(星期二)，放工去左康怡phsyical，做尖跑機再哂燈，短短1個鐘做哂所有野.之後返官塘攞contact lens就返屋企喇
16日(星期三)，今日下晝試行山，由我地centre行去香港仔，感覺好似放下晝咁，今次條路都幾好..好過上一條，不過行完之後可能吹風吹得多，頭又痛，之後搭個架小巴簡直搖到我想死，個頭想爆咁滯
17日(星期四)，今日放下晝，之後去同傻一慶祝佢生日，接佢放工，今日佢都未知我會帶佢去邊度慶祝...哈哈...之後我地去左山頂太平山餐廳食晚餐，我地坐左露天既枱，不過今晚都幾凍，我地食左墨西哥粟米片，燒烤西冷扒，泰式炒金邊粉同暖心朱古力蛋糕，可能我地坐係露天既地方喇...d野食好快凍，我最欣賞既係個蛋糕，不過傻一話個quality同service唔值咁貴，我都覺，下年等我再搵過一間好d，更岩傻一食既地方慶祝先，我係個度送左d生日禮物俾佢，有水晶鍊，卡，自製包裝紙既朱古力同生日熊仔，我都算花左好多心思架喇，之前都未試過花咁多心機去為一個人慶祝生日，希望佢都感受得到喇....食完之後我地就返屋企喇...佢好凍呀，我個時真係好想攬住佢呀.......hehe
18日(星期五)，今日係傻一既正日生日，下晝我又放假陪佢，我出門口之際，傻一竟然係門口等我..我好意外喎，估唔到呀..hehe..佢話見到嫺姐，但我之後問嫺姐佢話見唔到傻一，我都估到架喇...佢成日都見唔到人架喇...嫺姐竟然都買左對相架送俾我同佢，又買左包朱古力送俾佢，我都有d意外，佢呢d唔知係咪愛屋及烏，之後我同傻一去左利景食lunch，之後就陪佢返屋企，哈哈...重見到佢阿媽添..有d尷尬......anyway..生日快樂呀傻一.......之後去左打波，好耐都冇打喇.....隔離場個人又叫我同佢單打，我輸得好慘呀....打完之後簡直down哂...今日聽到關淑怡既新歌「關於我」，好感動...等左10年喇.....首歌第一次聽覺得個melody好似好複雜咁....style好似佢以前既另類少少既歌....聽多幾次又ok喎....好期待佢既大碟呀!
今日，我一早就去接傻一放工，之後我地去左灣仔龍門酒樓飲酒作茶，好懷舊呀，第一次同傻一飲茶呀..我地食左8碟野..犀利，之後我送佢搭車，跟住就返工同d人行山，都ok喎，都好順利，差唔多完既時候我打俾傻一，諗住去佢屋企等佢再同佢去銅鑼灣，點知差唔多完既時候佢打黎話黎緊香港仔搵我，好開心呀.....跟住我地食tea之後就同佢去銅鑼灣..我地都行左一陣跟住佢就同舊同學食飯，我就返屋企喇.....今晚我地order pizza hut，好飽呀.........之後本來打去問andy聽日幾點開，佢跟住竟然話好悶，同佢吹左幾個字水.....唉.......同佢講左一陣..覺得佢都真係幾悶，冇咩客
|
