今日發生左兩件事.....一件令我好激氣..一件令我好開心

今朝我又忙到pk...都係預備workshop既野...當阿丁試部電腦同projector時..發現有問題，佢同我同燈籠眼講，阿丁話做法有兩個，一個係叫joan問醫院借條線試下或者買過條線，如果唔得..就可能係部projector既問題..個粉腸燈小姐係度廢講:「我都有諗過買條線，不過其實如果部projector有做保養就最好」頂.....我都知阿媽係女人，唔該唔好講廢話喇..其實d野壞左應該係由佢報上去..不過佢既態度就係:聽日都唔係我既workshop..關我咩事」，我終於忍唔住開口:「阿丁..依家其實有咩做法?」阿丁:「一係問左醫院借條線試下，如果唔係.....」我立即講:「ok..等我叫joan問下醫院先喇」粉腸燈小姐又講:「哎呀，問醫院都唔知借唔借架喎」我終於忍唔住串?「都要問架，坐係度就得架喇咩」佢呆左一呆..又反駁:「打就緊係要打...不過我都係講個可能性俾你知」我都廢事采佢打上去問完收線就算......好q憎?.你係唔理就唔好係度講廢話!!之後佢諗諗下..又發揮佢既友誼小姐本色...打上去問joan:「joan呀..我想問下條線借唔借到呀?」....我唔想望到佢假爆既樣囉...件事既結果就係真係條線既問題..之後買過條新就ok....之後成日我都冇咩再理?..呢期我成日同阿姐講:「呢度實在太多瘋婦!!包括你」佢都笑話係!!..哈

另一件事就係傻一突然係公司門口等我放工，我好驚喜呀........ ......我之前打左兩次俾佢.冇人聽..我重以為佢瞓左添...點知出門口過馬路時就見到佢企左係對面....噢....佢同我返屋企....我好鍾意佢係巴士望住我笑既樣..佢笑既樣其實好好睇....另外估唔到既野就係佢買左雞骨草同朱古力曲奇俾我....我好開心呀.....如果可以攬下你就好喇....佢送我到我樓下....我返到屋企望落街..佢係我樓下望上黎....我望落去同佢揮手之後佢就走喇....都未試過有人咁樣對我架.....勁冧