尋日世貿，但係我都走去銅鑼灣做尖..成個灣仔同銅鑼灣都好少人，好似廢城咁...做尖好少人呀....尋日知道關淑怡會係2月23-25日開concert，嘩....終於願望成真喇...重知道shirley個newsgp可以以fan club名義透過music nation訂飛...真係好..不過我好難決定呀...究竟睇哂3場都係400蚊好定點呢..傻一話3場都會同我去睇..都可以睇400蚊添..真係好喇...另外今日知道關淑怡隻限量版single會係下星期二推出...得1000隻....我真係好驚我買唔到呀...

今日Ms. Chan竟然叫我諗下下年4月個function有咩gimmick...頂佢...1月d野都未搞掂....叫我諗4月..講就真係天下無敵....我依家真係好唔想見到佢....

今日竟然有人遊行到我個度間醫院...好在佢地原來只係去探佢地留醫緊既朋友...冇激進既行為....放工我本來想去3 order部N70，點知去到佢地竟然將人地訂左又未拎既機俾左我先...就係咁...係我冇心理準備既情況下就出左部機....勁...我又真係好鍾意部機喎...

天氣凍左好多...同時..我今晚好似有d發燒既跡象...死!