今日超free....成日都好似冇做過野....今日對眼好唔舒服....好似好紅...好攰咁...
本來今日甘大滋想同方哥farewell..不過方哥一口拒絕，佢話:「我唔開心咁黎...就要唔開心咁走...」..嘩..好驚...雖然甘大滋既行為只係方哥辭職既導火線....不過如果我係方哥....係呢個時候...都唔使再俾面任何一個人.....我係佢我都唔會去，另外佢又話:係度冇一個人對我好......我又自問:我係咪對佢唔好呢?.....我覺得自己冇對佢唔好.我冇窒過..串過佢....叫佢做野我都好客氣...有時佢想申我都會聽下...不過我都冇對佢特別好...見佢個樣唔開心我都唔會問佢...之前成班同事去台灣..我同佢一間房...冇計傾架...唔...是但喇..
我今日話過嫺姐.....方哥同佢講左d野..話有人講大話....跟住嫺姐走去同燈小姐講..睇下誰是誰非...之後我話佢:「好心你喇...我覺得方哥信得過你先同你講...邊個講真講假都好...聽完咪算囉...你一個轉頭就將d野講哂俾燈小姐聽....好在燈小姐心情好..佢一陣顛起上黎又走去同ms. yung講..搞大件事..你咪係衰人囉...成件事又唔關你事...又影響唔到你..係咪想係度搞風搞雨呀!」佢聽完就笑笑口轉話題...佢雖然唔鍾意佢.都唔使咁架...有時我都會覺得方哥好慘..好似成日係戰靶....不過有時我又覺得佢自己攞黎...其實佢性格咁要面...真係唔適合係度做...係度做要十項全能..要識執生..一係你就做得野..一係你就識擦鞋...又要厚面皮...因為上上下下所有人都會/可以話你同串你..所以其實佢真係唔多適合係度做...辭職都好既...
lunch去買左電話塊防花膠....不過當黏既時候...衰左.....唉...又要買過張...
下晝係office裝飾聖誕樹..我真係好鍾意...我由細到大都想有一棵自己既聖誕樹俾自己裝飾..不過屋企地方有限...所以始終都未試過...所以office有得裝飾都算喇...不過我只係用左15分鐘就搞掂左喇...
放工去左打波....打波之前買左個pizza飽...一路行..一路食..個飽又黏住個盒..食到我好狼狽....
打波冇停過呀...打完好攰...不過又幾爽..
唔知係咪天氣太凍...成日想瞓...做咩都提唔起勁咁...呢個星期心情好低落....唉...我係咪冇左目標呢?
|
