27日，難得成日都冇人係屋企..我又難得肯的起心肝大掃除....足足執左6個鐘....掉左6..7大袋野...其實都唔知掉左d咩....我只係知好多以前舊既書....中學既書喇.....大學既書..舊日本雜誌...漫畫..等...之後就係好多積埋積埋既紙...袋...真係執到散左..不過執完之後又好似好有滿足感....好呀...就黎新年喇....可以順便大掃除....唉..我真係好多好多cd...其實我真係鍾意儲多過聽....我係咪好奢侈呢?我阿媽成日話我敗家...雖然我真係我憎聽到呢句說話...不過有時自己諗下諗下又真係既...自己唔接受呢個名詞咋...唉...今日只係食杯麵..食栗子做正餐...都幾好呀..執完之後我就沖涼...沖完之後好舒服..又攰...竟然一瞓低就瞓左個幾鐘..之後就上網喇....阿爸阿媽9點左右就返左黎...又回覆之前咁喇...

28日，今日返工個mood好差..又好似散散地咁...放工陪傻一睇醫生，佢病左呀...唉...睇完醫生就陪佢買禮物...睇見佢其實好攰..又要頂住買埋d禮物去....唉....心疼喇....之後我地去左心粥館食粥..之後就同佢返屋企喇....我返到屋企沖涼....沖完涼...唔係傻一提我..我真係唔記得睇勁歌..因為有關淑怡呀.....佢一唱係日本歌..yesterday and today, 好意外...之後唱一切也願意同dela.....都唔錯..之後唱live既關於我...都ok既....不過佢都重係有d緊張咁...唉...佢要克服喇...就黎concert喇...之後同傻一傾左一陣就瞓喇..

今日.....尋晚好似發左好多夢..今日好攰呀....傻一今日10:30就返屋企喇....佢好似唔係好舒服咁...傻一你真係要保重同小心喇....我見到佢咁我真係擔心囉......今日晏晝4:40諗左好耐打唔打俾佢好呢..一方面擔心好似會嘈住佢瞓咁..另一方面又想真係睇下佢點....結果又真係嘈醒左佢.....佢3:30已經起過身食藥...嘻嘻..今晚去左打波....成日都拍住個唔識打波既......唉.....勁輸!!