星期五(6日)，今日要上珠海開會...我都係冇福氣架喇...本來諗住6點先起身..但我諗我5點半已經醒左...我去到港澳碼頭都係7點8左右，食個早餐，等prof.lee黎....佢8:15黎到..之後我地就上船....一上船我地就係咁講公事...都好..好過dead air....1個鐘10分鐘...就到喇...好凍呀...好大風...之後個度d人接我地去珠海CDC開會...大陸開會就係咁...好多水果係枱...一路食..一路開...不過個會都係開左1個鐘多d..就開完..之後參觀左一陣就去食野...嘩...貴賓式招待....不過我就好似好尷尬....個個都黎隊酒..好似好五加皮...好勁架...我只係用條脷點下都覺得好犀利....食到1點半就走...死喇..下次3月3日又要黎過...重話會帶我地去波溫泉..我唔想呀...本來今日我唔會返office>.點知早走左..又俾個prof lee死趕趕到2點班船..所以結果3點10分已經返到尖咀....唉..又要返去喇...好掙扎架...回程隻船好鬼死搖...好暈呀.....返到office重要好多野做....個個都搵我...我又暈......想死!!!!!!!!!!!今晚返屋企睇左「梁祝下世傳奇」，好好睇喎....好多位都好似好有感觸咁...最出色唔係何韻詩....係梁祖堯....最後都好感人架.....

星期六(7日)，今日放假...飲完茶就去搵傻一....之後我地去食野...去左食越南湯河.....之後就去太古做gym....好鍾意係巴士既感覺....可以耐d就好喇....好耐都冇同傻一一齊去太古做gym喇...我有gym..又有跑機..又有曬燈...之後我地去左老麥飲野..傻一請我食雪糕添^__^..跟住我地去行左一陣就去jusco既chalon食野.....好煙呀....我地係個度交換左禮物..因為今日係我地係一齊半年喇....嘩....!!!!!!半年喇....傻一今次送左個散紙包俾我....我睇完佢寫俾我既野....唔....傻一真係傻喇....我會好好鍚哂傻一架..你放心同唔好亂諗野呀...之後我地搭102去左旺角行左一個小小既圈...之後就再去電影中心睇「慾望之規條」，都有小小激....艾慕杜華d氣都係有少少愛得變態既...愛到要死..不理智既...原來套戲有好後生既安東尼奧班特拉斯，套戲原來係1986年架喇..我諗個時有咁既尺度既電影一定已經係好犀利.....睇完之後我地就返屋企喇.....傻一又好似有少少流鼻水喇.......小心d呀..傻一.

半年喇.......Aisteru