18日(星期三)，今日放下晝....下晝食完飯行左一陣就去搵傻一....等佢放工..之後送佢返屋企..好似好耐都未試過等佢放工之後再送佢返工喇....我拎左一盒12樂坊同小桃蘇俾佢...哈哈...之後夜晚我約左ricky食飯..同佢慶祝生日，好耐都冇見過佢喇.....上次係佢同我慶祝生日...都半年前喇....我同佢都幾好...就算半年冇見都一樣唔會覺得見外...都係好好傾...佢就10年如一日既look....佢好似越來越悶咁.......都係..一次拖都冇拍過....
19日(星期四)，一切安好...不過個燈籠眼真係好煩...人地講咩都要8一份...好似冇佢份唔得咁...唉...放工去左打波....今晚佢地問我一d好尷尬既問題..問我有冇女朋友..我好直接答冇..之後有個阿姐問:咁有冇男朋友....我好似唔知點答咁:冇..冇呀....之後我家姐話:你地咪佢男朋友...你咪佢女朋友囉....
20日(星期五)，今日返工又係咁...放工係咁搵傻一都搵唔到...講真...我真係有d擔心...佢又病病地...越搵唔到.就好似越唔知點咁...原來佢訓左...之後又沖涼...我覺得因為我緊張佢..我先會有呢d感覺...之後我問過嫺姐我係咪攞黎擔心.....佢話:好正常架喎..你鍾意一個人就當然會緊張架喇....你搵佢搵唔到..跟住擔心係正常架喎..如果唔會你就驚喇....
21日(星期六)，今日放假...我一早飲完茶就去接傻一放工...之後食早餐..之後就諗住幫佢format部腦..不過因為佢屋企太亂..之後又冇喇....去左做gym....又曬燈....跟住去左同佢佩眼鏡....原來佢一邊遠視..一邊近視架喎...之後我地去左銅鑼灣行左一陣街...不過又係咩都買唔到..之後去左西貢越南野食野....都ok喇....之後就返屋企喇...
22日(星期日)，去飲完茶..之後同阿媽同家姐去左太古買齋過新年...個氣氛好差....好似我家姐好唔想行咁....唔想就唔好去...去左就唔好咁樣喇..我阿媽之後又好似咩都唔敢買咁....買齋又有個賤精sales..又話有8折....之後收錢我同我家姐又冇理..之後先發現佢冇俾折..再拎張單問佢...之後佢又話得一d有....嘍住問咩有8折..佢又求其拎一兩件話有..點知有一樣係我地有買..之後我家姐問.....佢就話個價錢已經係8折左......頂......正仆街....跟住我阿媽好似好唔知點樣...望都唔望就行...我家姐又一路行..一路鬧...唉...RUIN THE HOLIDAY!!!..之後行左一陣我就走..去左北角行左一陣..之後去手搵傻一...上左佢屋企...本來諗住format>.不過結果又冇..哈哈...之後我地去左唱k....走個時好凍..我地係咁..一路玩..一路跑....好開心呀.
23日(星期一)，今日我去上堂..不過好好好悶..上左一半我已經走左....嫺姐打黎係咁發牢騷...因為今日有新人黎..個燈小姐又扮哂老虎蟹咁..又激到嫺姐彈彈跳....我下晝行左旺角一陣..之後接傻一放工..之後去左做gym...好似好少人咁.....之後同佢返屋企之後我就返屋企喇....
24日(星期二)，今日返工好忙...好多野跟..打好多電話>.個人重係好似遊魂咁...個氣氛又好差.....唉....放工去左換id...d服務真係好好.d人又好有禮貌呀......不過張相我又真係唔係好滿意...不過算喇....
呢幾日個肚好似成日好漲咁..又痾多左....唉..個人又好似不斷膨脹咁.....
|
