又有一星期冇寫日記喇.....

25日(上星期三)，返工都係一樣喇....今日lunch ms. chan請我地去左醉瓊樓食團年飯....食飯個時..joan話今年3月既司儀又係搵我做...跟住阿甘就立即話..冇計喇..鬼叫你人緣好咩....之後佢同阿姐講話: 我突登俾阿eva聽既...係串佢既....嘩..好涼呀....放工去左同傻一做尖....hehe....跟住我地就去左拎眼鏡....都幾好睇架....去左綠野仙踪食飯...杯蜜瓜苦瓜汁好正呀...之後就返屋企喇......

26日(上星期四)，今日我放假..但為免我阿媽又問長問短..我就話我要出去做野....之後我就去左kfc好enjoy咁食早餐..之後又去左starbuck飲咖啡..睇雜誌..好relax呀...不過突然肚痛..要去toilet..如果唔係我會坐多一陣....之後行左一陣就去左中環hmv睇野...跟住就搵傻一食lunch喇....去左食馬來西亞野....不過一般喇....之後傻一請我食蝴蝶蘇同沙翁.....佢返工之後我就去左cwb焗sauna.....之後就行下百老匯...竟然買左ipod nano.............之前有d想買不過結果就係毫無準備之下買左...不過我又真係好鍾意喎..之後就去接傻一放工..之後就去左佢屋企format佢部pc....哈哈...今次好順利..又好快手就搞掂左喇...yeah....之後我就返左堅企食飯....

27日(上星期五)，年廿八就要洗lak tak喇....我今日清左我張枱d野....放工又去左join傻一做gym...跑呀..跑呀....keep FIT...之後同佢返堅企之後我都返屋企喇.....今晚我係咁研究個ipod...好好玩呀...

28日(上星期六)，今日係年廿九....大埔家姐佢地出哂黎.....飲茶時佢地講下講下....竟然叫我帶佢地去唱k.....本來都係諗住講下..不過結果又去左...我去到簡直係唔想唱....佢地兩個就係咁...twins..twins..twins..我就zzzzzzzzzzzzz.....我大家姐重犀利...用大戲唱腔唱梅艷芳...蔡琴d歌....我真係zzzzzzzzz.....典解...我唔想再有下次.....之後我就去左食團年飯...d野食都ok呀.....食完就去左搵傻一喇....我地去左cwb..行左一陣就入花市...入去個時都冇咩人.不過入到去迫到咩咁...行左半行我已經話走喇....之後行去炮台山搭車返西營盤食糖水..就係呢個時侯倒數喇.....之後我地返屋企喇.....

29日(星期日)，大年初一...一早起身同阿爸阿媽拜年..之後我堂阿哥就黎我屋企食齋....佢每年都黎既...今年佢重同我地影相....感覺好似好一家人咁..佢都係每年新年我地屋企既唯一客人....食完之後佢地就走喇...一陣之後傻一打電話俾我....叫我望下出窗...嘩..佢又俾左個驚喜我呀...佢係我樓下....我又真係估唔到呀...之後我就同佢去左apm行下...一行我就係izzue買左兩件衫...之後我地去左仙跡岩飲野...之後就我地就去左唱k喇...今次我就開心好多喇.......係咁唱...係咁唱...之後食左d野我地就出去旺角喇.....新年真係唔係幾得...想食咩冇咩.....之後我地去左朗豪坊食印度野......好飽呀...行左一陣就去睇「春田花花同學會」，最初我估係一套好無聊.得啖笑既戲...不過我睇睇下...我覺得細路睇就真係一套笑片...大人睇就係一套好似好有深度既戲..係反映現實....諷刺時弊既戲.....有幾part又真係好好笑架....睇完之後我地就返屋企喇....佢上左屋企....我先發覺我又冇俾返銀包同電話佢...佢話髭日先俾返佢...

30日(星期一)，大年初二....開年.....食左好多咕嚕肉...下晝我就去左搵傻一..我地行下行下..搵野食..由西營盤行去上環..上環行去中環..中環又食下kfc...見到mandy喎...之後就行去金鐘...跟住搭車去左勵德邨...之後又行返落銅鑼灣...好勁呀..不過一d都唔攰..我重好enjoy架.....之後去左cwb海旁睇煙花.....好耐冇睇過煙花喇.........唔係好近...不過個氣氛都幾好呀..下年可以去近d再睇.....之後我地就去左食麻布茶坊既甜品..又真係好似冇以前咁好食喎.......跟住就返屋企喇...

31日(星期二)，年初三..今日我個喉嚨好痛呀....好熱氣.....起身去飲茶..之後就去搵傻一....去左森美食tea..好貴囉.....之後就去左大口環..我第一次黎架咋.....好enjoy...有海..有陽光..不過欠少少風.....不過我真係好鍾意咁...有d放假feel呀.....回程時我急到想爆咁....都未試過架......之後傻一同我去車站....佢上左小巴..我先發覺我又冇俾返銀包同電話佢.....我一口氣跑上去...驚佢上到屋企又唔方便落返黎...不過結果我都係追唔到..........hahahah.....上到佢佢係屋企打俾我...再落返黎拎..之後我先返屋企...

2月1日(星期三)，今日...返工喇....我諗我真係有工作壓力....又好早就自己醒左...一路坐車..一路諗幾時去申請護照..結果我一返去就去快圖美影證件相...跟住返到office就同miss yung講我要去申請...佢話唔耐就冇所謂..唔使請假....真係好喇..結果又係毫無準備之下完成左一件事.真係好喇.....1個鐘我就返左黎喇.....下晝去左食開年飯同歡迎新同事...皇上皇...唔得..19碟點心黎左12碟...服務又差......唔飽囉.....之後佢地買左兩個蛋糕同阿陳慶祝生日...我今日又收到ok多利是呀....依家係7:10pm..我重係office>..今晚有course...我做架....唔知傻一記唔記得..上年既今日係我同佢第一次係icq傾計呀....2月1日....hehehhee..傻一今日send左個sms俾我...好耐都冇收過喇.....好開心...

呢個星期過得好快...不過係enjoy既....好想再放假.....好想去多d郊外....