26日，星期日，我好似小學生去旅行咁...6點10就醒左...重有時間上網睇關淑怡forum啲留言....之後9點就出門口去機場喇，落咗車之後行左一個round就見到傻一，之後就搵東瀛遊個人攞機票..check in左跟住我地去左食麥當當早餐，之後就入閘喇，次次係機場都見到明星...今之就見到郭羨妮...好死cool囉....去到閘口架飛機未黎，...係呢個時候我又作發燒喇...立即啪藥..等左一陣.結果遲咗上機，今次搭泰航，架機好舊！啲飛機餐都ok...不過好似之前JAL啲好食d，2個半小時左右之後就去刑泰國喇..之後我地唱左錢就搭的士去酒店喇，搭的士既途中我對泰國既第一個感覺就係d樓好舊..又好熱又濕，大概半個鐘就去到酒店，連埋Highway 錢，都係300Baht，入酒店第一個感覺就係好似唔係好grande囉...間房都好細呀..同我想像有d出入架...哈哈...安頓好之後我地就出去喇，去咗Siam Centre行左一陣...就去左 Sizzler 食晚飯，d野又真係好大份又抵食...仲有免費沙津同甜品，食完飯行咗陣centre..不過都開始關門喇..，再去左行MBK一陣，之後就返酒店喇.........返到佢差唔多12點喇......

27日，星期一，係酒店7樓食早餐...都有好多野食，我食自助餐就死架喇...呢樣食d..個樣食d就飽到死...食完早餐就又去Siam行Siam Discovery Centre 同Siam Centre，行左一陣我開始胃痛又攰.....就去咗UCC 飲嘢，我飲左西瓜smoothie...係西瓜汁再加d沙冰既野....好好好清甜同正......之後就去Siam Paragon，好大同太大喇...，又冇咩人行，行左一陣都係咩都買唔到...跟住就去咗Chit Lom，去左Central Plaza行..傻一買左converse同T...我就買左件T....之後我地去左Amarin Plaza買林真香...好多野呀.好攰呀...哈哈...好攰就返左去酒店瞓咗一陣先再出過去行...我地再去左Chit Lom 既 Gaysorn Plaza，Central Centre同Zen Department Store行！不過好似好重覆咁喇....個Zen Department簡直係冇人到嚇死人.....行左成日shopping mall...發覺d shopping mall好大...但sales好少...d人好似唔係好願做咁....同香港好唔同...跟住去咗食Super Spices 食泰國嘢，個魚炒麵唔錯..不過其他食物好一般，好似香港d重好食，之後又再去Siam既另外一邊行過，好有夜市feel同熱鬧d.....之後再行左一陣MBK就去咗Sala Daeng 睇正Show，之前行左一個圈先....因為未夠時間..就去starbuck飲左杯咖啡先再去睇show，其實我好驚架...唔知點咁...又緊張....好多人行來行去.....個show好一般咁....11點半睇完Show 就返酒店，跟住沖完涼就瞓喇！ 

28日，星期二，係酒店地下食完早餐(又係好飽)..之後想去做Spa，跟住本書行喇...點知行第一次搵唔到....已經好冇癮架喇...返酒店拎返本地圖再行.....結果行到Conrad問..但都搵唔到，忟死我喇...本書信唔過既....係又熱又曬..既情況之下...再加上我個胃又開始痛(太飽)...頂.....唔去喇，之後去咗Phrom Phong 行Emporium，傻一去咗Boots 買嘢，我就超胃痛，真係要坐坐...再食藥...之後睇書再睇下邊度有Spa 做，最後決定去Asok 既The King and I Spa 做，我都係第一次做Spa架，我地都揀左一個叫relaxing package做...跟住去左沖涼，仲要著一條魚網底褲做Body Scrub，佢地又會推我pat pat..都有少少尷尬架...之後就要去按摩池浸...再用油幫你推...成個過程要2個鐘，不過好舒服..我做做吓真係想瞓著.... 1800B..都唔係好貴呀...返到香港都要做做先... 之後去左Saphan Taksin既湄南河搭船..好正呀..d船有企位既..同埋係有站...好似水上地鐵咁...兩邊既景都好正架..之後去左皇宮個站行左一個round... 都好好feel呀...好地道..之後再回程..去到個空鐵站時岩岩6點...佢地6點好似有個儀式..個個人都停哂咁..都幾攪笑...之後再去Siam唱錢同去左一間FUJI食日本野...又真係幾平同幾好食，之後就返酒店休息一陣...好攰....一陣之後就返酒店休息一陣...搭地鐵再去左Suen lum night bazaar 打個圈，MRT唔係好多人搭...不過好涼呀..... 行咗一陣，d野就好似赤柱咁....跟住我地又再搭MRT去Silom.......再行去Surawong睇show...不過我地好似好黑仔..俾人坤左咁囉...頂....之後就返酒店喇...

 1日，星期三，起身又食早餐...今日我唔敢食咁飽喇..之後我去左BOOTS買野..之後返酒店瞓左一陣我地就要check out..我地再去左Siam Centre 行，傻一買左T shirt同Converse..我都咩都買唔到...之後就返酒店拎行李搭的士去機場返香港，我地d時間真係岩岩好咋....hahaha....係機場用埋d錢買boots...之後就上機喇....有個空中少爺好鬼死似王力宏...型仔....返到香港七點半，好q凍呀，返到香港覺得香港既夜晚真係好靚.相比曼谷既夜晚好陰沈....好少燈架.....好黑......之後我同傻一返西營盤之後我就返屋企喇....

總括黎講..呢次曼谷行都好relax...不過又真係太熱..可能係香港重未熱...去到唔係好慣...不過今次之旅都有好多好新鮮既感覺...第一次同傻一去旅行喇...spa..show..船....湄南河都俾我一d意想不到印象....重有西瓜Smoothie同第一晚同第三晚既dinner...我都回味無窮...不過唔知係咪呢期身體都唔係幾好....定還是我真係老......好快好攰....我記得我01年去足9日..日日朝8晚11不斷行..我都冇野.......唉....