懶懶懶....真係好懶.....我有3個星期多冇寫日記...好喇......都要記下先..

5月10日(三) - 今日傻一突然同我講好多佢想讀書既野...我好支持佢架...起碼個人會有多d動力...同目標...依家搵工真係要quali同睇你個人有冇上進心...有時我都覺得我幾幸運...依家做既野都係我心目中想做既....其實我都未見過傻一咁積極去搵..問..有關讀書既野..好呀....我百分之二百support你...

5月11日(四) - 放工去左打波....佢地話我好落力喎....係呀...餓左咁耐...不過打得好差呢.......

5月12日(五) - 放工同傻一去做尖...我條褲就黎逼爆喇....

5月13日(六) - 12點幾去接傻一...佢同阿媽買鞋...我好鬼暈呀..今日...去到見到傻一..就同佢去左食老麥..我只係食左杯sundae..跟住我地就去左cwb行..行左一陣就話不如唱k喇..去左red box..我重申請做埋member添....唱左成4個鐘呀....唱左好多以前成日唱既歌......每次唱心動既最後一句..我都有毛骨悚然既感覺...起哂雞皮...唱完就同佢去買香水俾佢媽媽做母親節禮物...都好香架...之後我地就去左食灣仔太原街食pizza hut..個pizza都相當滯喇....之後我地就行去art centre睇“你咪理，我愛你，死未!"好鬼好笑呀...個肥女主角好放..有一幕佢扮周慧敏...又好似....另外有駕車既一幕...梁祖堯扮細路女被西落車一幕..笑到我同傻一標眼水.....呢套劇以幽默方式講男女由初戀..熱戀...結婚..生仔..老年同死亡...都係講每一個人都要love...

5月14日(日) - 母親節..今日我地去左九龍灣飲茶...之後我就去左搵傻一...我地食左d野之後就去太古做尖....之後我地就去左銅鑼灣食榮記....呢間又冇糖街個間咁好食..好鹹...傻一都話唔得..之後就返屋企喇...女人唔易做大結局呀...我返到屋企岩岩完....yeah..!!!

5月15日(一) - 返工又係咁...忙咩呢...就係5月22日既poster喇....放工返屋企打機..我竟然呢期又變左機迷.....耐唔使又發作架喇....

5月16日(二) - 放工去左同傻一做尖...今日佢同我講佢第二日有工見.....真係好喇...

5月17日(三) - 傻一今日見工...係佢公司附近....佢打俾我個時好平淡..我重估佢都係唔係好鍾意份工架喇...叫佢等下一個機會喇....點知我返返下屋企..佢打黎話間公司叫佢second in........佢又好似有d expectation 喇....我都好開心呀.....

5月18日(四) - 放工同傻一做尖...好攰呀...今日......我好憎d天氣..又濕..又悶熱.......之後同佢返屋企之後我都返屋企喇..

5月19日(五) - 今日傻一second in 呀....佢in 完打俾我...好似好輕鬆咁....係好事....佢黎左灣仔等我放工...重買左支雞骨草俾我...真係有我心....(我依家知原來佢in完行去買涼茶都幾遠架..)...之後我地行去e house.食左個tea.之後我就同佢去換身分證....好多人..不過又唔多使等..我上到去當堂覺得自己好老....等等下..我又急到死..又衝左落樓下去toilet..上到黎一坐低佢就出黎喇....之後我地去左行左一陣cwb再去188...之後食味王就返屋企喇....呀..重有...條燈籠8婆返埋今日就放大假...快活過神仙...!!!

PART 2 火熱籌備中.................