9月2日(六) - 約左ricky坐巴士四圍去..返官塘食完飯....好早就返屋企喇...

9月3日(日) - 今日約左傻一去行街...冇事喇....我地行左旺角一陣..之後都走喇

9月4日(一) - 今日我竟然買左我有生以來最貴既演唱會飛....一張988!!!!!!死未...係mariah carey...我打去訂飛..又俾我訂到個個票價既第一行...重要係好正中既......咪就係咁.....d錢就係咁飛走埋...hhee..唔緊要喇..傻一鍾意呀...今晚"有幸"可以去Hong Kong Club做野同食飯.....d野食就係一般野...(對我黎講...鵝肝我又真係接受唔到....蘇亨亨....)不過羊肉又真係好得喎....今晚又係做司儀....我自問好一般喇...不過最後好多人都讚我....我真係有d飄飄地.........不過下次都係唔好搵我喇.....好大壓力....因為佢地真係意念冇限既...

9月5日(二) - 返工 + 同傻一去gym...

9月6日(三) - 放工去左買禮物..又俾我係apm好順利買哂我要買既野..

9月7日(四) - 第14個月喇.....不過我地今日冇出黎......

9月8日(五) - 我地今日先慶祝...放工搭巴士用左成9個宇先由灣仔去到poly.....我地去左尖東既巴西燒烤食..不過唔好食既..好似好dirty..又冇咩好野食..d熱野嚇死人...好似上次維園好食d喎.....傻一送左biotherm既晚霜俾我..我就送左背心..文具同周慧敏DVD俾佢...^_^食完之後我地都返屋企喇....

第14個月喇

9月9日(六) - 今晚同傻一apm去睇UA93....本來冇咩期望....不過最後又有d野拎走左..作為一套電影..我覺得應該有娛樂性既...不過開頭又真係悶到死....我真係睇到係咁打喊路.....去到一半...開始騎劫飛機....係第一個好緊張既位...令我開始投入....之後開始講d乖客由驚...打電話同屋企人同至愛告別....我開始感受到佢地既無奈同不安.....之後所有乘客反抗..真係好緊張....我好似有份咁....到最後...飛機撞向地下...畫面黑漆一片.....全場靜默....再出現一些文字既記錄...好似一切一切都完了...係呢個時候....我竟然會是眼濕濕.....這套跟本唔係一套娛樂大家既電影...亦唔係一套冷漠報導式既紀錄片..而係一套希望令你感受到當時機上乘客無助...無奈同無可選擇既電影...係有血有肉..獻給911犧牲了的死難者....既電影...!!!