9月10日(日) - 今日同傻一去左做gym同曬燈..我第一次曬瞓機，好熱呀....好似焗熟咁...不過好似有效d..之後去左gym...跟住就去左唱k...今日唱左「愛得太遲」...真係好k歌......之後就返屋企喇..
9月11日(一) - 平常的一天 - 呢幾日好好胃口...好開心咁....原來有d野真係要自己去控制一下.....
9月12日(二) - 今日公司同你老鼠慶祝生日...我見佢真係好似好感動咁...想喊個隻......最佳女主角呀.......哼...今年佢有蛋糕..我冇呀...妖..!!!放工就去左同傻一做gym...yeah..我地去左食雙囍燒味飯..都唔錯..不過就熱d...
9月13日(三) - 又係平常既一天,...開始要預備去台灣既野喇...重要pack我地帶去既嫁女餅...
9月14日(四) - 放左工去打波...之後就立即返屋企pack行李..都唔係多野帶...最重都係對鞋je
9月15日(五) - 今晚同傻一去睇蔡依林CONCERT.....期望就梗係大過之前既王力宏喇....好想睇佢既live同跳舞...應該會係好"近"既....我最想聽既就係「檸檬草的味道」「Love Love Love」同「天空」..佢跳舞真係好勁..不過佢個上身好勁....跳舞呀...下身就好似好鈍咁既....唔知係咪真係好似報紙講佢腳痛???不過有d歌一定係預先錄左架喇....一聽都聽得出....不過佢既舞功就真係好勁呀.....尢其「舞孃」既舞....好勁呀.......!!!!!!!我真係目定口呆......佢都唱左我好想聽既「天空」同「檸檬草的味道」.....11點就完喇...好快....不過我身邊所有人都好靜呀....我個度都冇氣氛既..!!!!之後傻一就同我返屋企喇..知佢其實都好攰....都陪我返屋企hehe
「唯舞獨尊」演唱會Rundown
01. 玩美
02. 唇唇欲動
03. 招牌動作
-----------------------------------------------------------------------------------------------------------
04. 樂園
05. 布拉格廣場
06. 許願池的希臘少女
07. 聖誕結 (陳奕迅)
08. 兄妹(陳奕迅)
-----------------------------------------------------------------------------------------------------------
09. 假面的告白
10. 天空
11. 檸檬草的味道
12. 假裝 (廣東版)
13. 馬德里不思議
14. 就是愛
15. 說愛你
16. 曖昧 (楊丞琳)
17. 遇上愛 (楊丞琳)
-----------------------------------------------------------------------------------------------------------
18. Prove It
19. Mr. Q
20. 睜一隻眼 閉一隻眼
22. 馬甲上的繩索
23. 乖乖牌 (黃立行)
24. 始作俑者
24. 反覆記號
25. 開場白
26. 懷念
-----------------------------------------------------------------------------------------------------------
(介紹 Dancers)
27. 唯舞獨尊
28. 野蠻遊戲
29. 愛情三十六計
30. 看我七十二變
-----------------------------------------------------------------------------------------------------------
(Encore: 介紹 Band 成員)
31. 舞孃
32. 倒帶
9月16日-18日 - 去左台灣喇....嘩...我間酒店就係台北車站既側邊....我真係見證到呀......不過其實又冇咩野好驚喎..佢地好平靜....好似嘉年華...不過我都好佩服佢地既耐力......第一晚本來可能見到小馬哥...不過結果佢都係冇去...個晚食既野...好驚...冷盤係臘腸...??!!??!!d野食好油.......第二日既conference....heheheh>.好悶呀.....個lunch buffet..又....唉.....好在一完左conference我就自己去西門町...我自由喇......不過d小食就好似冇我第一次去台灣咁好食....花枝丸..烤雞肉包...雞排...阿宗麵線..芭樂雪糕...都冇以前咁好食既.....唔通係因為自己一個去食...第三日去左john tung..好在佢地安排個餐就真係perfect..兄弟酒店既正宗台灣菜....正...蚵仔...客家小炒.....正正正...!!!!之後我又去西門町再行...5點就走喇..返到香港都成10:30....不過同MS.CHAN去旅行就一D都唔好玩...同個MING SIR又婆娘到死...咩都緊張....NOT ENJOY!!!
9月19日 (二) - 今日放假喇...之後我去完飲茶就梗係去搵傻一食LUNCH喇..我地去左扒王之王..好食過出面好多喎...之後我送左佢返工我都返屋企休息喇..因為真係好攰....我拎左D手信俾佢...傻一都好似好開心呀..
9月20日(三) - 返工好忙呀..開始要PREPARE星期六個PRESENT..好多野跟...放工同傻一去左食越南野..夜晚我地去左睇舞台劇..EMPTY...都唔係好好睇...都幾誇張....梁祖堯又出場少...個中心思想我都唔係好GET到...就係珍惜生命?不過後半部就真係好長...有D悶添!!!!!之後我陪傻一返屋企就打的回府
9月21日(四) - 返工放工打波..我成日都整個POWERPT....開始有壓力喇.
9月22日(五) - 返工要PRE-PRESENT俾三個老頂聽先..佢地都讚我PRESENT得好好...我都多D信心.....返到屋企不斷練習...不容有失架...
9月23日(六) - 死喇....我真係唔得喇...今日我好好好緊張呀..因為今日我要對住成400人present!!!!尋晚已經發夢....今日去到個會場真係心跳加速...手心冒汗...緊張過做司儀好多....已經得返半條人命架喇..點知突然老細話有報紙要訪問我地個project....要我同佢一齊去見記者......嘩..真係連我剩返既半條人命都想攞走埋....入到去間房...好似明星呀...記者a:「望一望呢度..唔該」..記者b::「望一望呢度..唔該」....記者..c..d..e...有成6個咁多.......之後好在老細不斷講..不斷講.我就變成一個佈景板...都好..到我出聲既時侯..我竟然發現我把聲都緊張到沙哂.....ooh.我都未試過!!>.成20分鐘之後又出去預備上台喇...1..2..3..出左去...又冇咁緊張喇...表現都ok既....present完都有人讚...Dr.YOUNG話我大個仔喇...成個大個哂....(乜我平時打扮好細路咩?)....最後個present都係得優異獎....不過....其實入左黎今日present既名單一定係優異獎架喇...
今晚同傻一去食SPHAGETTI HOUSE..有個好麻煩既女人..一睇佢個樣就知係精神緊張既人喇....之後我地去睇左「穿prada的惡魔」..好生活化既一個故事..辦公室文化...講一個女仔有夢想..不過當去做左另外一份工既時候..起初諗住係踏腳石...但為左唔俾老細睇死..就向上爬...改變自己..目的就係唔憤氣老細睇唔起自己...故事講到好多時人就係會為左自己向上爬..保住自己..而去出賣人...背叛人..我係現賁生活都見唔少...但當個女仔發現原來人性係咁醜..而自己得到老細歡心..卻失去朋友..愛情同夢想...最後個女仔就醒過來....做返自己...好有意思既一套叫人反思既電影!
今日買左條牛仔褲呀..好靚架
9月24日(日) - 今日飲茶..之後同傻一去GYM..哈哈..大家都好攰..好快又走左喇.....之後就食美心喇..叉燒同油脾米....之後又行左一陣街..傻一買左件冷衫...之後我就送佢返西營盤..之後我就去九展食BUFFET喇.....慶祝阿爸生日...不過我就冇買野俾佢喇....
9月25日(一) - 今日都唔知咩事....一返到去..開始接電 話....原來我地星期六既訪問真係見報.....我...我..見到我係報紙度呀...有一份重有我個名添.....9月24日有3份報紙都有個報導..有東方..有文匯...同成報...就係因為咁..今日我地就好似變左d籌款熱線咁..d電話不斷響...真係不斷架...我諗 我地上上下下接左成百幾二百個電話...我答到喉嚨都沙埋....重要立即加班......答黎答去都係同一樣野.....我真係想死...由9點到5點幾我地個電話都係響緊既..........................今日又開左兩個會添...係精神上...好好好攰...
9月26日(二) - 今日放工同傻一去搵書....搵左好多地方呀..都冇..之後因為有免費飛..就去左睇李克勤既concert....唔..佢個look十年好一日...低低地領tee+牛仔褲+白波鞋+西裝褸+一樣既髮型>..ooh...好厭....佢唱左一d冷門d既歌同一d新歌同一d唔係佢既歌....冇咩感覺..冇咩特別....比較有驚喜就係唱「命運符號」，總好過成日唱「深深深」「月半小夜曲」等唱到爛哂既歌....反而王苑之真係一個好大既驚喜..佢講野把聲真係好搞笑..佢一出場就卡通聲講:「我真係好緊張...連枝咪都掉轉左拎..所以冇聲呀」...佢一開口唱歌...我就立即覺得「好好聽」.把聲好靚....同唱得好好....佢真係一個冷面笑匠!!!我未完個concert我就走喇..haha...
rundown:
命運符號
My Shirley
前後腳
吻別的位置
愛不釋手
愛可以問誰 (克勤、小剛)
紅日(克勤、小剛)
寂寞沙洲冷(小剛)
陌上歸人
夜半輕私語
殘夢
似夢迷離
倩影
喝采
情比紙薄
Here I am (克勤、王苑之、張敬軒)
All out of love/小風波(克勤、王苑之、張敬軒)
詩情 (王苑之)
老了十歲 (張敬軒)
情非首爾
婚前的女人
十年前後
天水、圍城
Victory
我不會唱歌
寂寞煙雨天
|
