今日去完飲茶..就去搵傻一...我地想去沙灘呀...起初好猛太陽..不過一路搭車就一路陰天...

重有塞車....好想快d到又急...

去到冇咩太陽喇...不過都曬下喇...

我今次都有訓著呀......

我地曬到4點3就走喇..

之後我地去左北角...食左馳名既雞蛋仔...不過今次好次唔係好滿咁囉..

之後就去太古....我地又去左food court食野....餓鬼...

之後行左一陣就去睇蜘蛛俠3喇..對佢有好大既期望...因為本身我就好鍾意蜘蛛俠..x men..蝙蝠俠等等呢d英雄科幻片...另外上一集係當年全年我認為最好睇既電影....所以好有期望去睇呢套戲...唔知係咪希望越大..失望越大呢?其實又唔係失望..不過就係比我想像中冇咁好...

首先講個故事....今集實在太複雜喇...太多枝節....雖然套戲有2個鐘頭20分鐘....但係要交代咁多既枝節真係有d困難...一兩句既對白就要交代一個人既性格....係咪有d兒戲呢?3個敵人...3角感情關係...友情..親情..事業...好多好多既錯綜複雜關係..再加入一d笑料....由於真係太多骨幹....所以睇完有d好趕同散亂既感覺....我反而覺得第2集既故仔集中d但又好緊湊....無疑係比較好d...唔知係咪唔會有第4集..所以今次導演要交代好多野....

主角方面....男主角杜比麥奎爾好似比之前肥左...不過佢真係能夠演出主角戇直既性格...到佢反常個時..成日做d以為殺死女既姿態..又真係幾搞笑...女主角...係比之前靚左..不過都未係靚女....占士法蘭高既星味多左...

總括黎講...1.2.3集..我都係最鍾意第2集...不過獨立黎講..呢套都已經係一套好好睇..又緊張又有娛樂性既電影...係值得去睇既..