今日放工就去同傻一去尖咀..

食完老麥就去上第一堂上既游泳堂.........

其實我係6年班已經上過..重有証書

同埋我印象我去過好多次泳池...都游到半個堂...

不過自上中學後...就一路都冇游過水喇.....

只係會去曬太陽......

原來我屋企冇一個人識游水...

今年我既願望係年頭都講過要學識游水..

起碼可以游幾個塘都唔使抖個隻

我實行緊喇.....有心唔怕遲呢

今日上堂係1對2....

我同傻一一齊上...

個教練好似好後生...又有d唔知點咁

不過又唔係好似教練..

佢又好似有d尷尬

我同傻一又係...

佢又教得好快....只係口講...好少示範..更加冇捉住我隻腳示範應該點樣姿勢

不過都so far so good...我覺得開始掌握到一d野..

1個鐘好快過呀..

佢今堂已經收哂我所有學費..不過又冇收據...又冇填form...

好似有d危...不過感覺就好似私人補習班一樣...

不過佢地個會都幾有規模咁..應該冇野既..

之後同傻一係更衣室重見到做gym..bob頭仔既friend添...哈哈!!!!!!!

總之..我今個夏天要學識游水!!