今日天氣唔係幾好..我同傻一冇去游水..

下晝去左傻一屋企接佢....傻一好似病好左d喇...哈哈...

之後我地去左太古....陪傻一睇眼科..好在冇咩野喇..

之後就去左買飛睇戲..

跟住就去食pizza hut..好飽呀..

之後我就去買左對金色既converse...正..!!

之後就去睇跟蹤喇.

今年睇得唔係好多港產片..呢套係其中一套..亦係我認為今年到目前為止最好睇既港產片..

故事好緊湊......好緊張....個d緊張係一種壓迫感既緊張..使你好似彷彿代入左角色一樣..故事節奏都幾明快....又唔使點用腦....純粹叫你心急同想追落去..

角色方面..我覺得任達華既角色形象係一個大突破..佢好似冇做過呢d咁唔形...又佬..又肥既角色.....好一個阿叔look.....佢既角色好正面...係一個大好人...佢演得好自然..反而梁家輝既角色就冇咩突破同冇咩發揮.....全套劇出得最多既係徐子珊....佢既角色係好討好既..不過演技始終未到火.....不過呢套劇好似想捧佢咁...另外一個好突出既角色就係邵美琪....佢演一個愛靚但又滿口粗口既madam....好出呀...雖然滿口粗口...不過一到認真既時候佢就好認真..好似佢話徐子珊做咩唔應機個一幕....型爆..

全套戲有三幕我最深刻...第一就係邵美琪話徐子珊唔應機個一幕...任達華俾梁家輝拮個一幕同梁家輝最後個一幕...梁家輝最尾個一幕好黑色幽默.....笑死我......可能呢d就叫惡有惡報喇..

之後我地就返屋企喇..!!