今日去飲完茶

返屋企hea左一陣...

就去左九公曬太陽

今日好似唔係好曬....

試左新油...好似都唔係太好咁.

之後我去左俾cd andy

傻一打黎..原來佢去左泳池等我...

hehe>.....之後我就去美麗華join佢..

我地行左一陣..就去旺角...

夜晚就睇「連體孤魂」..

有人話好好睇...所以我係唔鍾意睇鬼片的情況之下去睇左......

其實d驚嚇位都幾有心理預備...因為每逢有野出現就會有恐怖既配樂..

而出現既情況都係預期之中....例如:係浴室沖涼....照鏡...衣櫃.....係床上一轉過去....

不過呢套戲本住有殺錯..冇放過既情況下.....以上片段不斷出現又出現...

等你一浪接一浪....地受到驚嚇.........

不過我反而最估唔到係個結局.....好有個隻:「吓...原來係咁」既feel..

而結尾就好似唔係鬼片...變左好似「電鋸大屠殺」既feel.........

不過我睇完之後...又有好多反駁既疑問....

點解既然女主角不斷係屋見鬼.又睇精神科...點解唔去酒店住......死都要係間屋住..??????

重尾.....我唔信佢連推起一個吉既櫃都唔得囉.........

不過算喇......其實成套野都唔錯架喇.....

重有

今日去睇戲...同場加影一段小插曲

有兩個一睇個樣就知好麻煩..又以為自己扮到好靚..當自己係玉女周慧敏既女仔....

佢地買左兩張隔左7個位既戲飛...

但入到場就不斷叫人轉位...等佢地可以坐埋一齊..重坐左係我隔離..

佢同人講話full house>.不過我最後睇到下面重有位囉...不過好前je

好喇....搞左好耐...終於佢地可以坐埋一齊....以為冇野喇....

播下期上影既「地獄19層」時...都冇驚嚇野...坐係我隔離個女仔講:「好恐怖呀.......」

我心諗死喇......咁都話驚..一陣咪驚死佢....

個兩個三八不斷係度傾計...以為自己好細聲..但就煩到我死喇..

我終於忍唔住shu左一聲...佢地好似靜左...

好喇..開場左5分鐘....其中一個女仔...冇端端又起身.....去買野飲喎........

妖...........係唔係睇架.....定驚到唔敢睇...

5分鐘後返黎喇.....兩個又係度講野.....妖..我真係忍無可忍>.

我向住佢地好大聲shu左一聲..佢地好似呆一呆.

之後重望過黎....我個friend話佢地望過黎重係度笑笑口咁

妖.....咩人黎架........

之後靜左一陣..又講..不過就冇咁大聲喇....

重有..佢兩個都唔知係咪睇戲...

個男主角出左10幾廿次..

有一幕出場時...其中一個女仔竟然問:「呢個男仔係邊個!!?」

我真係啤左10幾聲...同反白眼!

點解呢個世界上有d咁既人......!!!!!