今日返工好似好冇mood....

因為好有holiday mood...不過其實又唔係放假既前夕...

今晚去睇W創作社既「小人國」

之前就同傻一去左ymca食buffet....

168...都唔算太多野食.....不過quality就ok喇...

如果多d熱野就重好..我最欣賞既反而係粥....

去睇既原因係因為梁祖堯..

睇完個感覺就係好好笑...好多笑位..好多抵死既對白..

有11個小故事組成....睇完第一個感覺就係:好似得啖笑....

冇咩一個大既主題..

不過之後呢幾日一路咀嚼返...

先覺得原來背後係有一個中心思想............

成套劇2個鐘冇中場休息...個個演員真係好出色.....扮咩似咩.....不過角色上最出位都係阿祖同邵美君.....

佢地幾個演員都能擦出火花....

最鍾意既有兩幕..

第二場   鬼妹仔OL現形記
邵美君演純情女仔同阿祖反串做竹昇妹.....而阿dee扮型男.....講竹昇妹其實唔係去左外國生活過...但就扮係洋貨....豪放.....結果俾人識穿......阿祖既扮相同小動作真係維妙維肖...一句:「我鬼妹仔性格呀ma...」同「whatever喇..」.....真係好好笑......

第七場   基米高襟冰襟冰再襟冰
全晚最好拭死最好笑既就係呢一幕.....阿祖演既基米高....同邵美君做既闊太.....同阿dee既sales christina law同凌智豪既sales heidi....真係好好笑...因為掙一件限量版既衫而口角......尢其係基米高同christina law個段死亡筆記就真係笑死我..........呢段諷刺依家d人咩都為限量版而瘋狂.....同講闊太內心既無奈....呢場直頭笑死我同傻一...

不過如果個故仔可以加一個辦公室小人事件就更好喇...

呢套劑其實係叫人反思現今香港人既質素既問題......大家係咪發現其實自己或身邊都有好多「小人」..

不過我地要痛定思痛......向前看.....唔好做小人........今日一定好過以前...!!