故事係描述4個中學生既心聲...

亦係描寫年青人既心態..

係反叛....不顧後果....鍾意點就點..唔使原因...係有夢想既......係浪費時間既........因為青春就係本錢...

呢套戲都講大人點樣去用大人既權力去對付年青人...

我「一把年紀」去睇呢套戲...當然共鳴感一定會少左....

不過回想以前中學生時既心態...的確係有d似....

故事4個主人翁都有不同既遭遇....

張睿家係典型既反叛青年....佢鍾意左個有老公既老師.....義無反顧.....最後被迫休學.....其實個女老師都衰..一方面又拒絕佢....不過又好似藕斷絲連......最後要接受懲罰既係個學生.....今次張睿家既角色冇「盛夏光年」咁純情....多了很多既反叛....

呢套戲主要sell既係新人ENNO, 唱作女生....一見到佢我就諗起太陽之歌既 YUI....感覺好似....我覺得ENNO好似係徐子珊同cookies時代既theresa混合體.....佢雖然有心臟病..不過依然係好陽光同有夢想...就係自己既歌有人讚賞.....亦不斷幫助別人.....

藤岡靛(即係何韻詩 - 勞斯萊斯mv男主角)....係去左台灣留學既日本人..夢想就係踢足球.....日日佢都好俾心機練....不過讀書就好差........但係大人老師心目中只會在乎讀書成績....戲中個幕男老師吉爆佢個足球再掉落地.....個男老師真係好乞人憎....不過現實生活真係會有咁既老師...

林涵雖然係一個品學兼優既學生...不過也會做出一d反叛既動作..好似係女老師既門口噴字...目的都係要抒發內心既控訴.....

整體上個故事既淡淡既.......沒有戲劇性既發展....

不過相當寫實.....相當生活化.....

其實我覺得套戲係有d悶...

雖然有d悶....不過睇完之後就會回味以前校園生活既片段

羨慕年青人所有既本錢....

畢竟.....當你步出社會工作之後就唔可以再有年青人既活力同陽光..