11月16日(星期五)...係台北之旅既第二日.....

第一站就係去九份喇....我同傻一7點幾就起身.

之後落左樓下食好地道既早餐...有蘿蔔糕..蛋餅...薯餅同餃子.

之後返酒店去toilet...

跟住就由台北車站搭火車去瑞芳再轉巴士...

九份...我第一樣諗起就係前幾年既車禍......唔係悲情城市..死未....

今次去我都有少少陰影咁....當然最後都係平安冇事...

我去過第三次喇...嗰度既景色咁多年都冇變...

舖頭都冇咩變....

最特別就係我食左一款新既小食...就係薯圈...

以下呢張就係喇....個薯仔好似批蘋果皮咁....之後炸...再加上你想要既味粉....

不過好麻煩...一路食..一路跌....

今次我都有食牛肉麵同魚丸....好好好味...

之後我地返返去瑞芳..

點知重有成個鐘先有火車..

就去左飲野..布丁珍珠奶茶同蜂蜜菊花...

超好飲呀....

去完九份就去左忠孝敦化同忠孝復興一帶行....

今次先發現原來忠孝敦化後面有好多好有特色既小舖...

重有好多專門店係裡面添..好似converse...日本既graniph

行係個d內街感覺好好..好relax..好有日本feel.........

熱烈推介 以下呢間橘子工房....

其實係食蛋糕buffet......75港幣...任食好多好好質素既蛋糕....

真係好食過好多香港既酒店

重有飲野任飲....重有湯.....沙律....同佢會推一d特別小食好似薯條...意份出黎...

真係超正...

我食左差唔多8件cake!!!!!!!!!!!!!!!!!!!!!!!!!!!!!!死未..

之後我又行左地下街去到忠孝復興既新sogo.....

好grand既外牆......

裡面當然好新好大喇...

行完之後見有時間淨....

我同傻一重搭左一轉無人架駛去左動物園先再返出黎去市政府站

因為我要去全世界最高既大廈101........

我第一次去架咋...

好高...好high..

講真....下面既mall就真係冇咩特別..

不過我上到去89樓既觀景台就真係正正正....

好靚既夜景......居高臨下既感覺...其實望落去都有d好似跌落去既感覺!!

係上面行下行下都成個鐘...

之後我就去左隔離既new york new york.....不過冇野行既....好似間永安咁..

再去neo19行左一個圈....都係得食野...冇野行..

再行去有4幢buildings既三越.....不過冇入去喇..

之後再行誠品......好大既書店...不過都係唔岩我架喇...文化野..haha

最後由於太攰...都係返酒店喇......

返酒店前我地都有d餓..

就去左買日本野食返去食..

今日好攰呀................

今日坐捷運發覺d人好守秩序...

好有禮貌..

佢地有博愛座......d人會好有自覺地讓位俾有需要人士..

就算唔係博愛座既人都會讓位

香港人真係要學吓.......唔好再扮瞓覺....爭位

同埋...我未見過有人係捷運打nds..............HAHAHAHHA

呢日既行程就係咁