我曾經係2007年頭定下一d大計及願望..

係2008年1月1日我就要回顧一下..睇下有幾多係達到同願意成真.

同埋係今日都要發表一下我係2008年既一d大計同願望...

係2007年我曾經講過:

1)儲錢 - 我係2007年真係開左一個投資既戶口...買左d基金....當儲錢...唔多..不過起碼開始有儲呀....

2)減5磅 - 係2007年尾我先發力....都減左5磅..不過都想再減3-5磅

3)學識跳BS1..再學埋BS2 - BS1我就學識左喇....不過BS2..我就冇興趣再學...講真..都係為左減肥做運動....BS1既運動量都足夠..唔使跳咁難既..

4)記性好d - 其實只係一個願望....都冇咩可以做...不過好似冇咩好d...

5)唔好咁少爺仔脾氣 - 有待改善喇..不過我覺得好左d既..

6)身邊既人都和氣同開心 - 都係一個願望....不過不失喇....

7)去旅行(同自己鍾意既人) - 達成喇...我同傻一去左台灣..好開心添

8)工作唔好再有小人 - 都係一個願望..不過都幾難達到...可能我認為係小人既眼中我都係一個小人..

9)身體健康 - 托賴.....不過不失...小病是福既..

10)睇關淑怡演唱會 - 佢冇係香港開..所以冇得睇...

總括黎講..2007年既大計都幾好....好多都達成或不過不失喇..

我重係今年學左游水..不過重有待改善....

另外係12月發生左一d唔開心既事.....希望好快可以冇野....變返同以前一樣....

好喇..

2008年有咩10大計劃呢?

1)自己同身邊既人全部都身體健康 ,尢其父母喇.... - 係我2008年最大既願望.....

2)工作上有d新既刺激 - 好似有d新既project做下..

3)讀書 - 一直都有諗過...不過今年都係要睇睇個情況...

4)希望年尾都可以再去旅行 ，當然都係同自己鍾意既人喇.

5)繼續學游水.....起碼都可以游4-5個堂唔使停喇.

6)繼續改善自己既EQ..私人上同工作上都要..

7)睇關淑怡演唱會..估計應該可以達成既...

8)同傻一和和氣氣..

9)希望可以抽多d時間陪下爸媽.

10)其實如果可以......轉到一份更好既工就重好....

希望以上願望都可以變真....!