今朝一早返去就開始打電話訂憶蓮concert飛....今日打電話既頻率已經快過上次....平均4秒一個電話..但打左40分鐘之後....傻一就打黎話已經換左.....吓...我竟然輸左俾佢...一定係佢jam左我條線....佢重話佢係換飛高手.......好喇...咁之後所有換飛既責任就交哂俾佢喇!yeah

之後我又俾ms. chan激死.....d design又想改東改西...結果我今日忍唔住話: Ms. Chan,再大改一定趕唔切係9月尾出街...佢既反應係: 「呀...係喎...我都知我成日都改.....同埋之前唔睇清楚....」我第一次見到ms. chan認低威...不過結果都係要改...不過細改喇!

lunch食完飯好鬼死眼瞓...一趴底已經瞓著....瞓左40分鐘添...起身重發現我流口水....唉...

晏晝有會開..不過完全冇壓力....開會之前飲左兩杯coffee...唔知係咪因為咁同夜晚食飯食左煎豬扒...依家有d喉嚨痛....唔得..要飲多d水先!!!唔係一陣傳染俾傻一就唔好喇!!

講開憶蓮個concert，10首我最想聽既歌係:
1)只要我活過哭過
2)暗示
3)赤裸的秘密
4)寵愛
5)微涼+早晨
6)聽說愛情回來過
7)灰色
8)瘋了
9)Diva
10)燒