今日一早同佢地去飲茶...

之後我又同阿媽去辦年貨..

根住就去搵傻一喇...

我又上佢屋企整電腦...haha

之後我地就去cwb總統睇「13駭人任務」

初頭以為係一套好恐怖...不斷殺人既電影..

但係睇完原來又唔係..

唔係恐怖...係核突....

主角係人生既低潮有一個機會俾佢大返身.....

完成13個任務就可以有巨額財富..

開頭d任務好易......之後就越來越變態...

我覺得最核突就係食屎.......好真下.....我真係有反胃既感覺....

意識最恐怖就係公路鐵絲殺人事件......

整套電影都算緊湊....當中除左一d好緊張既情節..

亦加入一d搞笑...風趣既情節....

不過當最尾發現幕後黑手既真正身份....就有「啤」一聲既感覺

有冇搞錯....好似好牽強....同埋個黑手真係可以咁犀利?

最尾既主題講出:現今社會根本就係咁殘酷.......

個個戴住假面具...你唔知邊個幾時會傷害你

當你玩緊呢個遊戲....可能你會更殘酷..

再講出原來好多人都玩緊13呢個遊戲.....

雖然有d誇張..

不過點出既主題的確係現今都市人既特點.....

而男主角要做既任務根本就係佢由細到大經歷過既一d唔好既回憶..

同埋佢既結局真係有d估唔到....

我覺得男主角好似陳啟泰...除左眼鏡就係似soler..女主角就好似桂倫美..

總括講....套戲娛樂性同感觀性都算豐富.....

有d情節好似有d「睇過」既感覺..

不過睇完就唔會令人有深刻感覺......

睇完之後就去行左一陣..

跟住就去高麗同傻一同佢d friend食野

好好食呀..

真係好味....

食完之後就去cwb一間樓上cafe sweet jane

個feel唔錯..不過冇野玩

我地個個好似等剪頭髮咁..

不過氣氛唔錯呀....

11點半我地就走喇...

之後同傻一返屋企喇!