今日又去學校做野...

兩日既經驗係開心既...

因為好耐都冇接觸咁多既學生..

真係覺得自己老喇...

佢地總係充滿活力..

無憂無慮..

成班柴娃娃咁嘻嘻哈哈...

雖然愛鬥大....

但係好易同人熟落

沒有太多既機心..

完成兩個半日既工作令我諗...

我以前係咪咁既呢?

如果係就同依家好唔同喇...

今次既經驗有兩個情境我好深刻..

第一個就係...

有一班好似有d白厭同壞壞地既中五男學生..

係度鬥大力...

佢地好似好壞....

不過當有班女學生派d紀念冊俾佢地寫

其中一個男學生立即坐係一邊...

擔天望地好認真去諗點寫..展露佢既傻氣..

畢竟他們還有童真...

另一個好深刻既畫面就係..

我地執野走既時候

白厭男學生群當中既一個行過..

講左一句: 咿...你地走喇..

好普通既一句說話

但我聽到真係有d莫名既感動..

唔知點解...

其實我好後悔當年既我..

冇好好享受校園生活..

中學一放學就返屋企...

大學又係咁...一完左d lecture就去補習..

依家後悔已經太遲喇...!

之後我就返灣仔搵傻一

我地去左cwb同灣仔行街..

買下cd>.

之後去左食台灣麵

好飽呀..