好耐冇寫過日記....今日終於想寫番..
回顧上兩個星期....基本上都係唔開心多...好多問題..好多煩惱...又病左好耐...個腦日日都好攰..
由10月7日，我既心情先有改變...就由個日講起喇
個日朝早我簡直係坐立不安..因為我阿爸係個日睇報告...我成日望住個鐘...究竟幾時打去問我家姐好呢...又怕打.又想打..個心情真係好矛盾..終於忍唔住係11點打....點知家姐個手提飛左返公司...11點3再打...冇人聽....個時真係好驚...好耐都冇試過呢種感覺...結果11點9我家姐覆我喇....好在...個結果係正面...我真係當堂鬆哂...真係好..跟住我問佢地依家去食野呀...佢竟然答我已經飲完茶...佢地返緊屋企..真係啤一聲...原來之前係飲緊茶聽唔到我打去...真係激死我....不過冇事就好喇...
呢日真係雙重意義..係我地既3個月記念...都係第一次正式慶祝..我地去左數碼港食野...食日本野...個芝士牛肉炒飯真係好好食....不過個度真係好死寂....不過都好靜呀...哈哈...勁呀...冇人騷擾呀..我地交換禮物...兩份我都好鍾意...希望佢都喜歡我送既喇...之後遊車河去左赤柱行左一個圈...好似好耐都冇試過咁relax喇...個腦...之後就送佢返屋企喇...
10月8日..公司有步行function....行山..由centre行去山頂...天氣好好...唔係好熱...重有d風...行完山就返屋企沖個涼再去街...我地係上環食tea，之後去左灣仔睇醫生同食野..行左一陣..再搭車去左太古.....第一次行去太古出面既海濱長廊...有海風..好舒服...我今日都真係做左毅行者....朝早行左2個鐘...夜晚又由太古一路行到去筲箕灣...不過我竟然唔係好攰...唔知點解呢....
尋晚係msn同judy傾左好耐.....佢好多煩惱...不過佢真係百足咁多爪..都好難冇煩惱喇.....同佢傾左1個鐘...希望可以幫到佢....
今日喇....都一個字...悶...訓又訓唔到...又唔知做咩好.....我都係好衰...成日plan放假做咩做咩....但結果放假時就咩都冇做....今日唔知咩事....個心好似唔係好定...好似有d野煩同諗...但又唔知煩緊咩...????總之就係有d唔知點咁....
呢期個mp3成日都repeat兩首歌，第一首就係之前講過既梁靜茹既「我還記得」，另一首就係陳奕迅既「葡萄成熟時」...d詞好好呀!
| 葡萄成熟時 |
歌手：陳奕迅 | 作曲：Vincent Chow/Anfernee Cheung
填詞：黃偉文 | 編曲：Adrian Chan |
|
|
差不多冬至 早一晚還是有雨
當初的堅持 現已令你很懷疑 很懷疑
你最尾等到 只有這枯枝
苦戀幾多次 悉心栽種全力灌注
所得竟不如 別個後輩收成時
這一次 你真的很介意
＊但見旁人談情何引誘
問到何時葡萄先熟透
你要靜候 再靜候
就算失收 始終要守
日後 儘量別教今天的淚白流
留低 擊傷你的石頭 從錯誤裡吸收
也許 豐收 月份尚未到你也得接受
或者要到你將愛釀成醇酒
時機先至熟透＊
應該怎麼愛 可惜書裡從沒記載
終於摸出來 但歲月卻不回來 不回來
錯過了春天 可會再花開
一千種戀愛 一些需要情淚灌溉
枯萎的溫柔 在最後會長回來
錯的愛 乃必經的配菜
REPEAT＊
想想天的一邊 亦有個某某 在等候
一心只等葡萄熟透 嚐杯酒
別讓 寂寞害你傷得一夜白頭
仍得不需要的自由 和最耀眼傷口
我知 日後 路上或沒有更美的邂逅
但當你智慧都蘊釀成紅酒 仍可一醉自救
誰都心酸過 那個沒有 |
|
