玩電話最高境界
學生問教授一個人生哲理的問題：“教授我想問，生氣、憤怒、嬲到震同埋哭笑不得，有乜野唔同？”
教授說：“我做個實驗俾你睇，你就容易明嫁勒。”
於是他揭開電話簿，隨便搵左一個叫PK仔既電話號碼，就打電話過去，電話接通，教授按擴音鍵讓學生聽清楚……
教授：“請問梁朝偉系度嘛？”
PK仔：“你打錯喇！”
教授：“唔好扮野啦！梁朝偉系度嘛？”
PK仔：“都話你打錯咯！”說著就把電話掛了。
之後，教授即刻又打電話過去……
教授：“請問梁朝偉系度嘛？”
PK仔：“邊個呀！你打錯喇。”
教授：“請問梁朝偉系度嘛？”
PK仔：“你老母，癡線嫁。”
又把電話掛了。
教授告訴學生：“呢D就系生氣喇！跟住，俾你睇下乜野叫憤怒啦！”   教授又撥一通電話過去……
教授：“請問梁朝偉系度嘛？”
PK仔：“你系咪五行欠打？要搵梁朝偉打去中國星啦！你老母丫，你有種就打黎俾我睇下……”。
說完就更用力的甩上電話。
教授告訴學生：“呢D就系憤怒。跟住，俾你睇下乜野叫嬲到震！”  
接著，教授又撥了一通電話，這次隔了一段時間才有人接，電話一接通……
PK仔：“頂你個肺！b你老母……”
正當他破口大駡的同時……
教授：“請問，你系咪PK仔？”
PK仔：“喔！真系對唔住，因為頭先有人惡作劇，我唔系特登要鬧你……”
教授：“唔緊要，請問梁朝偉系度嘛？”
PK仔：“哇!你個僕……”這次沒等PK仔鬧完，教授就把電話掛了。
教授告訴學生：“呢D就系嬲到震，你明未？”
學生答：“我完全明白曬喇！”
學生點點頭：“不過……乜野系哭笑不得呢？”  
教授笑了笑，又打左同一個號碼，對方快速接起電話……
PK仔：“喂！！！你個傻仔系咪想玩野呀？”
教授：“我系梁朝偉，請問頭先有冇電話搵我……”