交流

太多日冇打了,好多野都唔記得lu..

前幾日再前幾日買左psp大蛇無雙,340呀@@,順便改埋機,買完隻碟之後仲要比人 寸lor=.=凸......跟住依幾日都係咁係到煲隻game,講真真係幾好玩

原本前幾日有機會同d同事食北京菜既,可惜既係我要比賽,唉...

2月真係超on勁lor,連續3個星期有通頂事件發生,仲要我係第二日要番工的=.=

希哥~生日快樂呀下...

感情學會琴晚係呀玲玲屋企到舉行呀,個個到講左d好多鮮為人知既野出黎@O@

頂佢個肺呀,都唔知點解可以周身傷=o=

依個星期夾埋唔知有冇訓得個廿個鍾呢

係咁多先,記得先再打,又係時間要訓訓

刊登時間：2008-03-02 04:49 AM  [ 訪客留言(0) ] [ 編輯日誌 ] [ 分享至FACEBOOK ]

休息

呢幾日真係要抖下先得,真係好眼訓...

個鍵盤廢廢地,有咩野遲d先打啦...

突然發覺自己係一個cheap友....勁想搵人訴苦lor

刊登時間：2008-02-28 03:14 AM  [ 訪客留言(0) ] [ 編輯日誌 ] [ 分享至FACEBOOK ]

力不從心

星期六晚,由於有個fd生日,走左去觀塘neway唱k,有成廿一條友去lor,個晚仲要係曼聯對阿仙奴,身為吳唱k既我就係度睇左兩個鍾頭波,嗌足兩個鍾頭,依家仲要係沙沙地tim,我應該係唯一一個冇乜點唱k而把聲沙晒既人....

場波最終都係曼聯以4比0大炒阿記,費查,anderson同nani同屈機,哈哈

唱完k番到寶林都6點半lu,食埋個大快活早餐都已經係成7點o靚8點,跟住個日仲係要番工,番1點,即係又訓得個4個鍾,fuck=.=凸

訓得少唔緊要,最緊要既係放工後仲要去踢聯賽,唉,講起聯賽就仆直啦,又輸1比4,仲要係咁比人踢我隻右腳,講真一樣野,真係懷疑d人好鬼鍾意我隻右腳,次次都係踢右面=.=凸.....仲有個球証又係傻既,我比人踢左咁多下,都淨係吹十二碼個球lor,仲要係冇比牌條友,正一仆x黎既...唉,都係冇為多提啦...

真係攰到我唔想跑呀=o=

梁靜茹隻碟真係好聽到暈呀 =3=

星期二同事jumper團 @o@"

又要爭取時間訓多d覺啦

愛得太遲   古巨基

我過去　那死黨　早晚共對　各也紮職以後沒法暢聚
而終於　相約到　但無言共對　疏淡如水
日夜做　見爸爸　剛好想呻　卻霎眼看出他多了皺紋
而他的蒼老感　是從來未覺　太內疚擔心

最心痛是　愛得太遲　有些心意　不可等某個日子
盲目地發奮　忙忙忙其實自私
夢中也習慣　有壓力要我得志

最可怕是　愛需要及時　只差一秒　心聲都已變歷史
忙極亦放肆　見我愛見的相知
要抱要吻要怎麼也好　偏要推說等下一次

我也覺　我體質　彷似下降　看了症得到是別要太忙
而影碟　都掃光　但從來未看　因有事趕
日夜做　儲的錢　都應該夠　到聖誕正好講跟我白頭
誰知她開了口　未能挨下去　已恨我很久

錯失太易　愛得太遲　我怎想到　她忍不到那日子
盲目地發奮　忙忙忙從來未知
幸福會掠過　再也沒法說鍾意

愛一個字　也需要及時　只差一秒　心聲都已變歷史
為何未放肆　見我愛見的相知
要抱要吻要怎麼也好　不要相信一切有下次

相擁我所愛又花幾多秒
這幾秒　能夠做到又有多少
未算少　足夠遺憾忘掉

多少抱憾　多少過路人　太懂估計　卻不懂愛錫自身
人人在發奮　想起他朝都興奮
但今晚未過　你要過也很吸引

縱不信運　你不過是人　理想很遠　愛於咫尺卻在等
來日別操心　趁你有能力開心
世界有太多東西發生　不要等到天上俯瞰

我隻白手呀@@

刊登時間：2008-02-18 01:57 AM  [ 訪客留言(0) ] [ 編輯日誌 ] [ 分享至FACEBOOK ]

訓

今日主要係得一樣野,就係個"訓"字,由唔知幾多號既早上6點訓到唔知幾多號既7點pm...中途係完全冇醒過,我一起身仲要為天光tim=.=回神之後先發覺係天黑先真.....訓咁耐感覺超正,yeah....我又番黎啦~~

好多野都係好主觀係je,諗野識轉灣既話真係好好多

好...繼續訓 @@

真係入到7仔真係唔知飲乜好,乜都好似飲過好多次咁既,唉...(咁都好唉=o=)

刊登時間：2008-02-16 04:15 AM  [ 訪客留言(0) ] [ 編輯日誌 ] [ 分享至FACEBOOK ]

鬥地主?!

依家係星期五又係凌晨三點零九分,唔...

傷風同感冒有咩野分別呢

Ｌ同 jumper都仲未睇,唔得咁ga wor喂

今日望見人地一雙一對,自己則形單隻影,有問題咩?..無問題wor...

岩岩d腸粉係到玩鬥地主,我本身對依樣野一d都唔識,睇左兩三鋪次後就開始識識地,睇落又好似幾好玩咁wor

有學多一樣野lu....

星期日前好番你話得唔得呀啦

食野乜味都冇,唉....

你地d人成日都唔打blog,整到我冇野睇下呀參考下咁,唔得咁ga wor又

正,又上番120磅,nice沙

聽日終於可以放假,可以稍息一下啦.....又可以訓15個鍾@@"

冇啦啦倒瀉左杯凍奶茶...fuck...

刊登時間：2008-02-15 03:19 AM  [ 訪客留言(0) ] [ 編輯日誌 ] [ 分享至FACEBOOK ]